Koman ansèrv bann modèl diskusion

Depui janvié 2018, néna bann modèl diskusion su premié paj pou le Kayé pou rénion nout Vi krétien èk prédikasion. Koman ansèrv tousala ?

Kan ou fé in sujé antank zélèv : Ansèrv le késtion, le vèrsé é le késtion ke ou doi réponn in prochèn foi. Mé sa i ve pa dir ki fo utiliz mèm parol parèy dann vidéo bann modèl diskusion. Ou pe choizi bann situasion prédikasion diféran, chanj bann premié parol ou sar di, tienbo bann rézonnman diféran, é dot choz ankor. Ou pe osi propoz in publikasion ke lé dan bann zouti pou ansénié, mèm si lé pa di dan bann zinstruksion.

Kan ou prèch : Le but bann modèl diskusion, sé pou donn anou bann zidé. Si in moun lé vréman intérésé pou la vérité, é i ve konèt plus, ou pe kontinué diskuté, petèt ou pe prann bann zidé dann modèl diskusion dann premié vizit. Ou pe chanj in pe le modèl diskusion oubien ansèrv kékchoz ke lé diféran. Èske le sujé ke lavé in moi avan, oubien in not vèrsé va plus intérès domoun dan out téritoir ? Èske bann domoun out téritoir, lé plus trakasé par in nafèr i vièn éspasé, oubien par in nafèr ke la arivé ousa zot i abit ? Ninport kèl fason ou choizi ansèrv bann modèl diskusion, out lintansion i doi èt pou ‘fé tout pou le gayar nouvèl, pou fé konèt ali avèk dot moun’ (1 Kor 9:22, 23).