Rann gloir Jéova dann sèrvis pionié

Bann Zisraélit lavé bann bon rézon pou rann gloir Jéova. Li lavé fé kit banna péi Léjip é li lavé sov banna kont larmé Faraon ! (Égzod 15:1, 2). É zordi, li fé ankor du bien son bann zadorateur. Koman nou pe mont nout rekonésans anvèr li ? (Ps 116:12).

Par égzanp, nou pe fé sa kan nou lé pionié oksilièr ou pèrmanan. Ou pe priyé Bondieu pou ke li donn aou lanvi é la fors pou èt pionié (Fil 2:13). In bonpe i komans avèk le sèrvis pionié oksilièr. Ou pe choizi fé 30 ou 50 eur le moi d’mars, avril é dan le moi ousa le résponsab sirkonskripsion i vizit out lasanblé. Kan ou sra finn gout bann bon zafèr ke le sèrvis pionié oksilièr i aport, ou nora petèt lanvi devnir pionié pèrmanan. Mèm bann proklamateur ki travay plin tan, ou ke na poin in bon santé, i gingn fé pionié pèrmanan (mwb16.07-F 8). In nafèr lé sur : Jéova i mérit tout zéfor ke nou fé pou rann ali gloir ! (1 Kron 16:25).

GARD LE VIDÉO TROIS SŒURS DE MONGOLIE, APRÉSA RÉPONN BANN KÉSTION LA :

• 

  Pou ni pionié, kèl difikulté le bann 3 seur la afronté ?

• 

  Kèl bon zafèr zot sèrvis pionié la aport azot ?

• 

  Le sèrvis pionié pèrmanan la pèrmèt azot sèrv kèl fason ankor ?

• 

  Kosa zot légzanp la pous dot moun pou fé ?