DEVIEN PLU GABIÉ DANN PRÉDIKASION | FÉ GRANDI OUT JOI POU PRÉCHÉ
Ésplik bann zidé inportan avèk bann zégzanp
Kan nou fé in premié vizit ou ke nou fé in létud la Bib, nou doi èd le moun bien konprann bann zidé inportan. Kan nou va ansèrv bann zégzanp pou ésplik bann zidé inportan, nou va gingn touch son keur é èd ali retien sak li la antandu.
Kan ou prépar aou pou in premié vizit ou in létud la Bib, repèr bann zidé inportan (é pa bann ti détay) ke ou kont éspliké par bann zégzanp. Aprésa, choizi bann zégzanp sinp, ke lé tiré dan la vi tou lé jour (Mat 5:14-16 ; Mark 2:21 ; Luk 14:7-11). Pousa, tien kont bann zokupasion é le kondision d’vi ke le moun néna (Luk 5:2-11 ; Jan 4:7-15). Kan ou va voir le zieu le moun briyé, parske li la konpri sak ou la di, ou va resan in gran kontantman.
GARD LE TI FIM POU GINGN KONTANTMAN POU FÉ BANN DISIP, ALON NI PLU GABIÉ, É POUSA : UTILIZ BANN ZÉGZANP POU ÉSPLIK BANN ZIDÉ INPORTAN, APRÉSA RÉPONN BANN KÉSTION LA :
Poukosa in létudian la Bib la bezoin in koudmin pou konprann in vèrsé ?
Kèl légzanp Neeta la utilizé pou ésplik le vérité dann Romin 5:12 ?
Bann zégzanp ke lé bien choizi i touch le keur.
Koman in légzanp bien choizi i pe aji su le keur in moun ?
Dann prédikasion, poukosa lé bon ke nou ansèrv bann vidéo é bann zouti pou ansénié, ke lorganizasion Jéova i donn anou ?