BANN TRÉZOR DANN PAROL BONDIEU

Alon rod protéksion koté Jéova

Dann péi Israèl, lavé 6 vil, ousa in moun ke lavé tué kèlkin san fé éspré, té gingn alé pou èt protéjé (Nonm 35:15 ; w17.11-F 9 § 4).

Chak jujman lété fé par bann zansien dann peup Israèl (Nonm 35:24 ; w17.11-F 9 § 6).

Sak lavé tué in moun san fé éspré, té gingn alé kachièt dan in vil ousa li lété protéjé (Nonm 35:25 ; w17.11-F 11 § 13).

In moun ke lavé tué kèlkin san fé éspré té i doi fé bann sakrifis, ke té pèrmèt ali alé kachièt dan in vil ousa li lété protéjé. Zordi lé parèy, nou fé bann sakrifis pou ke Bondieu na pitié d’nou é i donn anou son pardon.

In jeun bonom ke lé tourmanté avèk bann regré i tien son tèt dann in min é lot min lé pozé desu son keur. Detroi zimaj : Rod le pardon Jéova. 1) Dan le peup Israèl dann tan lontan, in moun ke lavé komèt in péché mé ke i repanti ali, lé antrèn plèd son koz devan bann zom in sèrtin laj é zot lé devan la port la vil. 2) Le jeun bonom ke i repanti ali é ke lé sité avansa, néna in diskusion avèk 2 zansien.