NOUT VI KRÉTIEN

Kan nou lé korijé : sa i mont ke Jéova i ièm anou

Dan la Bib, le mo « koréksion », é parfoi i di osi « lédukasion », na in rapor surtou avèk le formasion é lansègnman, mé sa i ve dir osi mèt in moun droit é donn in punision. Jéova i korij anou pou ke nou gingn ador ali le fason ke li ve (Rom 12:1 ; Ébr 12:10, 11). Parfoi, kan nou lé korijé, sa i fé mal nout keur, mé sa i èd anou regingn lamitié Jéova é son bénédiksion (Prov 10:7). Kosa le moun i donn le koréksion é sak i gingn le koréksion i doi pa oublié ?

Sak i donn le koréksion. Sak i doi korij lé zot, surtou bann zansien é bann papa momon, i éfors azot fé sa avèk jantiyès é amour, parèy kom Jéova i fé (Jér 46:28). Mèm si in koréksion lé dur, li doi èt rézonab é li doi èt bazé su lamour (Tit 1:13).

Sak i gingn le koréksion. Kinport le koréksion nou pe ganié, nou doi aksèp ali. Nou doi éfors anou pran ali an kont toutsuit (Prov 3:11, 12). Kom nou lé pa parfé, nout tout la bezoin d’èt korijé. Nou lé korijé diféran fason. Par égzanp, par sak nou lir dan la Bib oubien par sak nou antan dann rénion lasanblé. I pe arivé, ke désèrtin la bezoin k’in komité disiplinn relijieu i èd azot. Kan nou aksèp èt korijé, sa va sov nout vi (Prov 10:17).

GARD LE VIDÉO « JÉOVA I KORIJ SAK LI IÈM », APRÉSA RÉPONN BANN KÉSTION LA :

Koman la vi Canon lété dann premié débu, é aprésa, koman son vi la chanjé ?
Koman Jéova la korij ali èk plin lamour ?
Aprann èm la koréksion ke Jéova i donn aou.

Kèl leson nou retir su sak la ariv ali ?