DEVIEN PLU GABIÉ DANN PRÉDIKASION | FÉ GRANDI OUT JOI POU PRÉCHÉ
Fémont ke nou ièm sak nou ansègn
Kan nou mont nout joi kan nou koz, sa i kontaminn lé zot, li kap latansion sak i ékout anou é i mont ke nout mésaj na la valeur pou nou. Kinport nout lédukasion, nout kultur ou nout tanpéraman, nou gingn aprann koz in fason ke lé vivan (Rom 12:11). Koman ariv fé sa ?
Dabor, majinn a kèl poin out mésaj lé inportan. Ou néna loneur ‘anons bann gayar nouvèl’ ! (Rom 10:15). Aprésa, réfléchi bien mèm su le bon léfé ke se bann gayar nouvèl i pe avoir su bann domoun. I fo atoupri ke banna i antan le mésaj ke ou prèch (Rom 10:13, 14). Anfin, koz èk tout out keur é di sak ou resan par bann jès ke ou fé dabitud, é mont su out figur ke ou pans vréman sak ou di.
GARD LE TI FIM POU GINGN KONTANTMAN POU FÉ BANN DISIP, ALON NI PLU GABIÉ, É POUSA : FÉMONT KE NOU IÈM SAK NOU ANSÈGN, APRÉSA RÉPONN BANN KÉSTION LA :
Kosa la fébli la joi dann keur Neeta pou son létud la Bib avèk Jade ?
Kosa la èd Neeta retrouv son joi ?
Kan nou mont nout joi dan nout fason kozé, sa i kontaminn lé zot.
Poukosa nou doi rès bien kalé su bann joli kalité ke bann domoun i ékout anou néna ?
Kèl léfé nout joi i pe avoir su lé zot, surtou su nout bann zétudian la Bib ?