Mèt aou la plas lé zot

Kan nou mèt anou la plas lé zot, nou lé kapab konprann sak lot i pans é sak li resan, nou konpran sak lé inportan pou li é sak li la bezoin. Sé nout lanvi èd lé zot, ki pous anou fémont se joli kalité la, é le moun ke la été édé i resan sa toutsuit. Dann prédikasion kan nou mèt anou la plas lé zot, nou imit lamour é la bonté Jéova, é sa i atir domoun juska li (Fil 2:4).

Mèt anou la plas lé zot, sé pa rienk travay nout relasion avèk zot. Nou fémont sa dan nout fason ékouté, dan nout fason kozé, dan nout fason konport anou, par nout bann jès é osi par le manièr nou fé nout figur. Sé fémont le moun an fas ke nou sousi anou vréman de li, sé prann an kont sak lé inportan pou li, son bann kroiyans, é le situasion li lé dedan. Sé donn ali bann konsèy ke lé util pou li, é donn ali in koudmin san fors ali pou chanjé. Kan le moun an fas i san ke nou konpran ali, é ke li aksèp nout koudmin, nou néna plus kontantman dann prédikasion.

GARD LE TI FIM POU GINGN KONTANTMAN POU FÉ BANN DISIP, ALON NI PLU GABIÉ, É POUSA : MÈT ANOU LA PLAS LÉ ZOT, APRÉSA RÉPONN BANN KÉSTION LA :

• 

  Koman Neeta la montré ke li konpran Jade, kan èl la ariv an retar ?

• 

  Koman Neeta la montré ke li konpran Jade, kan Jade la di k’èl té vréman strésé pou fé létud ?

• 

  Koman Neeta la montré ke li konpran Jade, kan Jade la di k’èl té dézordoné ?