BANN TRÉZOR DANN PAROL BONDIEU

Obéi Jéova èk in keur an antié

Depui tanm p’ti, Kalèb la komans obéi Jéova èk in keur antié (Joz 14:7, 8).

Plu loin dan son vi, Kalèb lavé gard konfians ke Jéova noré èd ali, pou ariv fé tout kalité travay difisil ke li té doi fé (Joz 14:10-12 ; w04-F 1/12 12 § 2).

Parske li la sèrv Jéova èk in keur antié, Kalèb la été béni (Joz 14:13, 14 ; w06-F 1/10 18 § 11).

Detroi zimaj : In seur fidèl i adapt ali parske, avèk la viéyès, li gingn pu fé kom avan. 1) Li apui ali su son baton, li pri. 2) Li fé prézantoir avèk in jeun seur. 3) Li mont in lalbom foto bann marmay dan son lasanblé. 4) Li souri, le keur trankil.

Furmezur Kalèb té fé sak Jéova té demann ali, li té rann ali kont ke Jéova té béni ali, sa té rann son foi plu for. Lé parèy, kan nou voi ke Jéova i égzos nout bann priyèr é i gid anou dot fason ankor, sa i donn anou lanvi sèrv ali ankor plus (1 Jan 5:14, 15).