Bann rénion prédikasion : bann zidé util

Kom pou tout bann rénion lasanblé, bann rénion prédikasion, sé Jéova ke la mèt sa an plas, parske sé in lokazion pou nou fémont nout lamour é fé bann bon zaksion (Ébr 10:24, 25). In rénion prédikasion i devré dur ant 5 é 7 minut, ladan i organiz bann group pou préché, i partaj téritoir é i fé la priyèr. (Si i fé sa apré in not rénion, alor li sra plu kourt ankor.) Le frèr ki dirij i doi prépar in zidé pratik pou sak i vien préché se jour la. Par égzanp, le samdi, kan na in bonpe la pa ni préché depui lot wikèn, i sré petèt bien de voir ansanm sinpleman inn ti prézantasion. Pou ke bann proklamateur lé bien préparé, kèl kalité sujé ankor zot i pe koz desu ?

• In modèl diskusion tiré dann Kayé pou rénion Nout vi krétien èk prédikasion.

• Koman ansèrv in nafèr ke la éspasé na poin tro lontan, oubien in sujé laktualité pou komans in diskusion.

• Koman surmont in remark ke nou antan souvan.

• Koman réponn in moun ki kroi pa Bondieu, in moun i kroi lévolusion, oubien in moun i koz in not lang ou ke lé dann in relijion ke na poin bonpe dann téritoir.

• Koman utiliz in nafèr prési su le sit jw.org, su laplikasion JW Library^® oubien dan la Bib.

• Koman ansèrv in zouti anparmi nout bann zouti pou ansénié.

• Koman utiliz dot fason préché, kom prèch par téléfonn ou par kouryé, fé témoiniaj publik, fé bann premié vizit ou bann zétud la Bib.

• Fé bann rapèl su koman fé atansion dann téritoir, koman lé inportan adapt anou é rès ankourajan, su bann bon manièr ou su dot zafèr parèy ke sa.

• In leson oubien in vidéo su le ti liv Devien plu gabié pou lir é ansénié.

• Koman ankouraj é èd le proklamateur ke nou prèch avèk.

• In vèrsé ke lé an lien avèk la prédikasion oubien in zistoir ankourajan ke la éspasé dann prédikasion.