Bann leson nou tir su la vi Samuèl

Samuèl la été fidèl Jéova tout son vi. Depui tanm p’ti, li la pa lès bann garson Éli, Ofni é Finéas, ke lavé in konportman malonèt, pous ali pou fé mové zafèr (1 Sam 2:22-26). Furmezur li té grandi, Jéova la rès avèk li (1 Sam 3:19). Dan son viéyès, li la kontinué sèrv Jéova èk fidélité, mèm si son bann garson la pa suiv son légzanp (1 Sam 8:1-5).

Kosa nou aprann su légzanp Samuèl ? Si ou lé jeun, ou pe èt sur ke Jéova i konpran bann malizé ke ou pas dedan é sak ou resan. Li pe èd aou pou fémont out kouraj (Izai 41:10, 13). Si antank papa, momon, out marmay i sèrv pu Jéova, lès ti pansé la rékonfort aou : Samuèl té gingn pa fors son bann garson, ke té finn gran, rès fidèl bann komannman Jéova. Li la remèt tout dan la min Jéova, li la kontinué march droit é donk son papa dann sièl la kontinué èm ali. Somanké, out bon légzanp va pous out marmay artourn koté Jéova.

GARD LE VIDÉO KOSA BANNA I APRANN ANOU ? : SAMUÈL, APRÉSA RÉPONN BANN KÉSTION LA :

• 

  Kèl kouraj Samuèl lavé kan li té marmay ?

• 

  Kèl kouraj Danny lavé ?

• 

  Kèl bon légzanp Samuèl la montré infoik li té finn vieu ?

• 

  Kèl bon légzanp le papa é le momon Danny, la donn ali ?