BANN TRÉZOR DANN PAROL BONDIEU

Choizi out konjoin èk sajès

La mank Salomon la sajès, kan li la maryé èk bann madam ke té ador bann fo bondieu (1 Roi 11:1, 2 ; w18.07-F 18 § 7).

Le bann madam la détèn su li, alor ti lanp ti lanp Salomon la vir le do ansanm Jéova (1 Roi 11:3-6 ; w19.01-F 15 § 6).

Jéova la mèt ali an kolèr kont Salomon (1 Roi 11:9, 10 ; w18.07-F 19 § 9).

Detroi zimaj : In seur sélibatèr lé antrèn fé son létud pèrsonèl, èl lapou réfléchi su la spiritualité in frèr sélibatèr. 1. Le frèr i donn in répons pandan in rénion lasanblé. 2. Li lapou fé prézantoir. 3. Li lé antrèn dann la min pou lantretien la sal.

La Parol Bondieu i konsèy bann krétien sélibatèr de maryé « rienk èk in disip le Sénieur » (1 Kor 7:39). Kan mèm sa, lé pa parske in krétien lé batizé ke li lé le konjoin ki fo aou. Lé vré, èske se krétien va èd aou kontinué sèrv Jéova èk tout out lam ? Furmezur le tan i pas, èske li prouv ke li ièm Jéova èk in keur antié ? Pran le tan bien konèt le moun ki pouré èt out futur konjoin, pou ke ou désid si ou va maryé èk li ou pa.