NOUT VI KRÉTIEN
Alon ésèy konprann kosa Bondieu i pans
Nou ve kontant le keur Jéova, dan tout sak nou fé (Prov 27:11). Pou gingn fé sa, i fo nou pran bann désizion ki mont ke nou pans kom li, mèm kan na poin in loi bien klèr pou gid anou.
Pran labitud étudié la Bib. Chak foi nou lir la Bib, lé komsi nou pas in tan avèk Jéova. Nou dékouv sak Jéova i pans, kan nou gard koman li la trèt son peup, é kan nou réfléchi su zistoir bann moun dan la Bib, ke la fé le bien ou le mal, dapré son fason pansé. Kan nou néna in désizion pou prann, léspri sin i pe èd anou pou ke nou rapèl anou bann leson é bann vérité inportan ke nou la tir dan son Parol (Jan 14:26).
Fouy dann publikasion. Avan kal out désizion, demann aou : « Kèl vèrsé ou kèl zistoir la Bib i pe èd amoin konprann le fason pansé Jéova su késtion la ? » Pri Jéova pou ke li èd aou ansèrv bann zouti pou fé rechèrch ke néna dan out lang. Sa va èd aou tir é mèt an pratik bann zansègnman biblik, ke va gid aou dan out vi (Ps 25:4).
GARD LE VIDÉO, ALON « KOURI SAN LARG LE KOR » : ALON MANJ SAK LÉ BON POU NOU, APRÉSA RÉPONN BANN KÉSTION LA :
Dann vidéo la, su kèl zafèr domoun té zigil ti seur la ?
Koman ou pouré ansèrv bann zouti pou fé rechèrch, kan domoun i ve fors aou pou aksèp bann zafèr komsala ?
Kan nou pran in tan fouy dann publikasion é étudié pou nou mèm, dan lintansion pran bann bon désizion, kèl bon zafèr sa i aport anou ? (Ébr 5:13, 14).