Nou doi rès droit mèm dan nout bann pansé

Nou mont ké nou march droit pa rienk dan nout kozé oubien dan sak nou fé, mé osi par nout bann pansé (Ps 19:14). Sé pou sa mèm la Bib i ankouraj anou mèt dan nout pansé ‘tout sak lé vré, i konvien, lé jus, lé pur, tout zafèr k’i vo la pèn ké nou èm, tout sak néna in bon réputasion, tout sak lé rèspéktab é tout sak i mérit bann louanj’ (Fil 4:8). Lé vré, lé pa toultan nou va gingn défand bann mové pansé rant dan nout tèt. Parkont, la kapasité kontrol anou i pé èd anou rojèt in mové pansé é ranplas ali par in bon pansé. Rès droit mèm dan nout bann pansé va èd anou march droit dan tout sak nou fé (Mark 7:21-23).

Andsou bann vèrsé la, ékri kèl kalité pansé nou doi rojèté :

Rom 12:3

Luk 12:15

Mat 5:28

Fil 3:13