E+/taseffski/via Getty Images (Stock photo. Posed by model.)
KONTINIÉ VÉYÉ !
Lo fason bann jèn i san azot dan zot tèt la dévni plizanpli pir : kosa la Bib i di ?
Lindi 13 févriyé 2023, lo sant k’i étudi bann maladi an amérik (CDC) la fé in rapor su koman bann jèn Zéta Zuni i san azot dan zot tèt. Rapor la, i mont na plis 40 % bann marmay lékol dépi kolèj juska lisé lé dan in soufrans k’i larg pa zot é zot lé toultan tris.
Kathleen Ethier, dirèktris départman CDC k’i jèr la santé lékol é bann jèn marmay, la di : « I fé in pé plis dizan ké nou oi bann jèn i san pa zot bien dan zot tèt. Mé promié foi nou oi sa, néna in bonpé marmay i rod plizanpli fini èk zot vi. »
Ala détroi chif dann rapor la :
In pé plis in jèn fi su dis (14 %) té forsé pou aoir in rapor sèksuèl. Madam Ethier la di : « Lé vréman grav ». « Majine 10 jèn fi ké ou koné, an parmi zot, néna inn anndan é pétèt plis, ké la été violé. »
Inn jèn fi su troi (30 %) té vé vréman fini èk son vi.
Su sink jèn fi, néna prèské troi (57 %) lé tris é lé dan in soufrans k’i larg pa zot.
I fé mal lo kèr oir tousala. La jénès i doi èt bann moman plin la joi. Akoz sak zot i pas dédan jordi, bann jèn i gingn pu jèr zot strès. Kosa i pé èd banna ? Kosa la Bib i di ladsu ?
La Bib i done bann konsèy util pou lé jèn
La Bib i amont bien bann moman strèsan ké nou viv jordi. Èl i di nou viv bann « tan difisil pou suporté » (2 Timoté 3:1-5). Mé èl i done osi bann konsèy k’i chanj pa, pou èd bann milion d’jèn su tout la tèr, pou sobat kont bann problèm ké zot i gingn. Ala inndé zartik k’i fé mont bann konsèy la Bib.
Bann konsèy pou sobat kont bann zidé suisid
Bann konsèy pou sobat kont la déprèsion, la tristès oubien bann mové pansé
Triste ou optimiste ? (« Le tableau s’anime »)
Bann konsèy pou sobat kont in moun k’i arèt pa tourmant aou, an vré oubien su lintèrnèt
Mets un harceleur K.-O. sans utiliser les poings ! (« Le tableau s’anime »)
Bann konsèy pou sobat kan, i atak aou oubien i mèt la présion, pou fé bann rapor sèksuèl
Les agressions sexuelles : que faut-il savoir ? (1re partie) : Prendre des précautions
Les agressions sexuelles : que faut-il savoir ? (2e partie) : Guérir
La Bib i done bann konsèy util pou bann paran
Dan la Bib, nou trouv osi bann konsèy pou ké bann paran i gingn aport in lèd zot marmay dann malizé. Ala inndé zartik k’i fé mont bann konsèy la Bib.