Èske Bondieu la kré Satan ?

Sak la Bib i di

La Bib i di ke Bondieu la pa kré Satan. Li la donn la vi in lanj ke la nu Satan. Nou lir su le Kréateur : « Sèt li fé lé parfé, parske tout son bann manir fé lé jus. Bondieu fidèl ke lé jamé injus ; li lé jus é droit » (Detéronom 32:3-5). Ala poukosa, lavé in tan, Satan le Diab lété parfé é jus ; li lété in lanj, inn anparmi bann garson Bondieu.

Dann Jan 8:44, Jézu i ésplik ke Satan « li la pa tienbo dan la vérité ». Sa i amont bien ke pandan in tan Satan lété onèt é droit.

Mé, parèy tout bann kréatur ke lé intélijan, lanj ke la nu le Diab lété lib choizi ant sak lé bon é sak lé mové. Kan li la choizi drès ali kont Bondieu é ke li la pous le premié bonom èk son madam suiv ali, son touseul li la fé ali Satan, in mo ki ve dir « lènmi » (Jenèz 3:1-5 ; Révélasion 12:9).