28 JULIÉ – 3 OUT

PROVÈRB 24

Kantik 38 èk la priyèr | Dé ti parol pou komansé (1 min)

BANN TRÉZOR DAN LA PAROL BONDIÉ

1. Alon ankouraj anou inn é lot pou bann situasion difisil

(10 min)

Kontinié gingn plis la konésans èk la sajès (Prov 24:5 ; it-2-F 563 § 4).

Mèm kan nou lé dékourajé, alon kontinié priyé, lir nout Bib tou lé jour é alé la sal (Prov 24:10 ; w09-F 15/12 18 § 12-13).

In foi ké lé for é lamour pou Jéova, i done la fors pou rolèv anou apré bann zéprèv (Prov 24:16 ; w20.12-F 15).

Mèm si in sèr ké néna in grav maladi, èl néna in sourir tranch papay pask’èl lé antrinn prèch kaz an kaz èk in not sèr. Néna in madam dovan son port, ké la pou ékout aèl é lo sèr i amont aèl in zafèr dési son tablèt.

2. Bann ti pèrl dan la Bib

(10 min)

Prov 24:27 : Kosa provèrb-la i aprann anou ? (w09-F 15/10 12).

Out répons
Kèl ti pèrl ou la trouvé dan out lèktur la Bib pou somèn-la ?

Out répons

3. Lèktur la Bib

(4 min) Prov 24:1-20 (th loson 11).

DÉVIEN PLI GABIÉ DAN LA PRÉDIKASION

4. Promié diskusion

(2 min) TÉMOINIAJ INFORMÈL. Lo diskusion i fini avan ké ou la gingn koz la vérité sanm lo moun (lmd loson 2 poin 4).

5. Promié diskusion

(3 min) KAZ AN KAZ. (lmd loson 3 poin 4).

6. Promié diskusion

(3 min) TÉMOINIAJ PUBLIK. Di lo moun lé posib étudié la Bib é done ali inn ti kart vizit « létud biblik » (lmd loson 4 poin 3).

7. Diskour

(3 min) lmd ti not 1 poin 11. Tèm : Bondié i vé ansèrv son parol pou koz sanm nou (th loson 6).

NOUT VI KRÉTIEN

Kantik 99

8. Alon soutien anou inn é lot dann situasion difisil

(15 min). Diskusion.

D’in kou i pé ariv in lépidémi, in katastrof naturèl, bann ralé-pousé kont lo gouvèrnman, in gèr oubien bann trètman injus akoz nout kroiyans. Dan bann ka komsa, bann frèr é sèr i rès soudé ansanm. Zot i soutien azot é zot i ankouraj azot. Néna bann krétien i viv pa bann situasion komsa, kan mèm sa, zot i rosan la soufrans zot bann frèr é sèr, é zot i èd banna lo mié posib (1 Kor 12:25, 26).

Détroi zimaj : Bann Témoin Jéova la pou soutien dot Témoin Jéova diféran fason. 1. Bann frèr é sèr la pou rokonstrui in sal lo Roiyom ké té dégrèné akoz in katastrof naturèl. 2. Bann frèr é sèr i akèy èk gran kèr in momon èk son fi, ké la kit zot péi akoz bann problèm. 3. In sèr i mèt inn ti katsou dan in boit zofrand la sal lo Roiyom. 4. Dovan in sal lo Roiyom, bann Témoin Jéova i done plin zafèr ké bann frèr é sèr la vréman bézoin, parské banna la kit zot péi akoz bann problèm. 5. Bann volontèr la pou partaj bann pak dolo. 6. In frèr la pou priyé.

Lir 1 Roi 13:6 é Jak 5:16b. Aprésa poz kèstion-la :

Kan bann sèrvitèr Bondié i pri pou lé zot, akoz sa néna in « puisan léfé » ?

Out répons

Lir Mark 12:42-44 é 2 Korintien 8:1-4. Aprésa poz kèstion-la :

Mèm si nou na poin tro d‘moiyen, é ké nou gingn pa done bokou pou soutien nout bann frèr é sèr dan lo monn, akoz i fo pa ké sa i frèn anou pou doné ?

Out répons

Mont lo VIDÉO Banna i èd zot bann frèr. Aprésa poz bann kèstion-la :

Kan laktivité bann Témoin Jéova lété intèrdi dann péi lès Lerop, kèl sakrifis bann frèr la fé pou èd banna ?

Out répons
Kan la intèrdi azot sèrv Jéova, koman bann frèr é sèr la obéi lo komandman, pou fé bann rénion é ankouraj azot inn é lot ? (Ébré 10:24, 25).

Out répons