Èske la Bib i koz su maryaj ant deu bonom oubien deu madam ansanm ?

Sak la Bib i di

Lontan avan bann gouvèrnman i komans réfléchi su le késtion maryaj, nout Kréateur té finn mèt an plas bann loi ladsu. Le premié liv la Bib i di : « Sé pousa le bonom va kit son papa é son momon, é li va rès avèk son madam, é zot va devnir in seul chèr » (Jenèz 2:24). Dapré in diksionèr su la Bib, an ébreu le mo pou « madam » « i ve dir in moun ke lé de sèks féminin » (Vine’s Expository Dictionary of Biblical Words). Jézu li mèm la di ke sak lé maryé ansanm i doi èt « om é fam » (Matieu 19:4).

Donk, pou Bondieu, le maryaj ant in bonom é in madam té i doi dur pou toultan é rann azot plu proch. In bonom èk in madam la été fé pou akord ansanm, sé komsa zot i gingn kontant zot bann bezoin laféksion inn é lot, zot bann bezoin séksuèl, é fé marmay.