• Alon mont ke la vi na la valeur pou nou
    Viv ereu pou toultan ! (Diskusion biblik vivan)

    • 2. Koman nou pe mont Jéova ke nou aprési son kado, la vi ?

      Depui dann vant nout momon, nout vi lé inportan pou Jéova. David lété in sèrviteur Bondieu. Inspiré par Bondieu, li la koz èk Bondieu é li la di : « Out zieu la vu amoin alor ke mi té ankor in lanbriyon » (Psom 139:16). Nout vi na in gran valeur pou Jéova (lir Matieu 10:29-31). Le keur Jéova i fé mal kan in moun i désid suisid alia oubien tué in not moun (Égzod 20:13). Son keur i fé mal osi kan nou mèt nout vi an danjé pou rien, oubien kan nou fé pa atansion pou protèj la vi lé zot. Kan nou pran soin nout vi é ke nou réspèk sak lé zot, nou mont ke nou ièm la vi, le kado Jéova.

  • Alon mont ke la vi na la valeur pou nou
    Viv ereu pou toultan ! (Diskusion biblik vivan)

    • 5. Réspèk la vi in zanfan ki sar nèt

      In madam ansint i karès son vant.

      Avèk bann joli ti parol, David i di ke Jéova i intérès ali la vi in zanfan é osi koman le ti bébé i grandi dan le vant son momon. Lir Psom 139:13-17 é koz su késtion la :

      • Pou Jéova, la vi in moun i komans depui dann vant son momon oubien depui son nésans ?

      Bann loi ke Jéova lavé donn le peup Israèl, té protèj bann momon é zot zanfan ki sar nèt. Lir Égzod 21:22, 23 é koz su bann késtion la :

      • Koman Jéova té konsidèr in moun ke té fé pa éspré anlèv la vi in zanfan ke té sar nèt ?

      • Kosa li noré resanti si in moun lavé fé sa éspréb ?

      • Kosa ou pans su le fason pansé Bondieu ?

      Gard le VIDÉO.

      VIDÉO : Kom Bondieu, mont ke la vi na la valeur pou nou (5:00)

      Dann detroi situasion, mèm in madam ki réspèk la vi i pe pansé ke lavortman lé le seul solusion. Lir Izai 41:10 é koz su bann késtion la :

      • Si i oblij in madam pou avorté, vèr kisa li pe tourn ali pou trouv lèd ? Poukosa ?