Kan nou fé in voiyaj, nou dékouv bann gayar zafèr, mé nou pe rankont osi bann difikulté. Kan nou étudié la Bib, lé in pe parèy. Nadfoi nou va demann anou si nou sra kapab kontinué. Mé poukosa i vo le kou fé sa ? É kosa va èd aou kontinué malgré bann difikulté ?

1. Poukosa lé inportan étudié la Bib ?

« La parol Bondieu lé vivan é puisan » (Ébreu 4:12). La Bib néna in bonpe la valeur. Ladan Bondieu i fé konèt anou sak li pans é sak li resan pou nou. Dan la Bib, nou pe aprann in kantité zafèr, li pe rann anou osi saj é donn anou in léspoir. É an plus ke sa, li pèrmèt anou vni kamarad ansanm Jéova. Kan nou étudié la Bib, nout vi lé vréman plu gayar.

2. Poukosa i fo nou akord in bonpe la valeur pou bann vérité ke néna dan la Bib ?

Bann vérité ke néna dan la Bib lé in vré trézor. Sé pousa la Bib i di anou : « Achté la vérité é vann pa li jamé » (Provèrb 23:23). Kan nou konpran vréman la valeur trézor la néna, nou va pa larg nout létud la Bib, mèm si néna zafèr i rod kal nout lélan (lir Provèrb 2:4, 5).

3. Koman Jéova i pe èd aou kontinué out létud la Bib ?

Jéova, le Kréateur Toupuisan é out Kamarad, i ve èd aou konèt ali. É pousa, li pe donn aou « an mèm tan lanvi é la fors pou aji » (lir Filipien 2:13). Si nadfoi ou la pa anvi d’fé out létud la Bib, oubien mèt an pratik sak ou aprann, ou pe kont su li pou èd aou. Si ou la bezoin la fors pou afront bann difikulté, li pe donn aou sa. Sé pousa mèm, ou pe pri toultan Jéova out Papa dann sièl, pou èd aou kontinué out létud la Bib (1 Tésalonisien 5:17).

ALON APRANN PLUS

4. Mèt an premié out létud la Bib dan out vi

Nadfoi nou néna tèlman zafèr pou fé, ke nou di anou ke nou na poin le tan pou étudié la Bib. Alor kosa i fo fé ? Lir Filipien 1:10 é koz su bann késtion la :

• Dapré ou, kosa i lé le « bann zafèr le plu zinportan » dan la vi ?

• Kosa i fo fé pou mèt out létud la Bib an premié dan out vi ?

1. Si i mèt le sab avan, na poin asé la plas pou tout bann galé.

2. Si i mèt bann galé avan, néna asé la plas pou prèske tout le sab. Dan la vi, si nou fé pas « bann zafèr le plu zinportan » avan, nou nora le tan fé azot, é va rès anou ankor le tan pou fé dot choz.

Nout létud la Bib i aprann anou konèt é ador Bondieu. Lir Matieu 5:3 é koz su késtion la :

• Kosa i ariv kan nou mèt létud la Bib an premié dan nout vi ?

5. Kontinué out létud la Bib mèm si désèrtin i rod pou dékouraj aou

VIDÉO : Son bann zéfor la été béni (5:22)

• Kan Francesco la koz avèk son bann kamarad é son momon su sak li té aprann, koman banna la réaji ?

• Koman son bann zéfor la été béni ?

Lir 2 Timoté 2:24, 25 é koz su bann késtion la :

• Kosa out fami é out bann kamarad i pans su sak ou aprann ?

• Dapré bann vèrsé la, koman ou devré réaji si in moun lé trakasé parske ou étudié la Bib ? Poukosa ou di sa ?

6. Kont su Jéova pou èd aou

VIDÉO : Jéova i èd anou chanj nout konportman (3:56)

• Kèl chanjman Jim la fé dan son vi pou fé plézir Jéova ?

• Kosa la mark aou dan son légzanp ?

Lir Ébreu 11:6 é koz su bann késtion la :

• Kosa Jéova i fé pou « sak i rod ali èk tout zot keur », sétadir pou sak i fé zéfor pou konèt ali é pou fé plézir ali ?

• Dapré vèrsé la, kosa Jéova i resan kan li voi bann zéfor ke ou fé pou étudié la Bib ?

SAK NOU LA APRANN

Étudié la Bib i pe donn aou la vi pou toultan. Pousa i fo fé zéfor, mé si ou kont su Jéova, li va béni aou.

Alon révizé

• Poukosa bann vérité ke néna dan la Bib na in bonpe la valeur pou ou ?

• Kosa ou pe fé pou mèt an premié bann « zafèr le plu zinportan » ?

• Poukosa ou devré demann Jéova èd aou pou kontinué out létud la Bib ?

GARD SA OSI

4 prinsip ki èd bonpe domoun bien jèr zot tan.

« Comment bien gérer son temps » (Réveillez-vous !, février 2014)

In momon té fé bonpezéfor pou fé plézir Bondieu,mé son mari té konpran pa èl. Koman Jéova la èd madam la ?

Jéova i donn anou la fors pou port nout bann traka (5:05)

Zistoir in mesieu ke lé devnu kamarad Bondieu gras bann zéfor ke son madam la kontinué fé pou konèt Bondieu.

Ma la pous la vérité devan tribunal (6:30)

Nadfoi i di bann Témoin Jéova i kas bann fami. Èske sa lé vré ?

« Èske bann Témoin Jéova i kas bann fami oubien i èd banna vni plu for ? » (lartik jw.org)

Nout tout nou pran bann désizion. Désèrtin désizion i pe chanj nout vi, kom choizi in konjoin, in travay oubien in kaz. Nout bann désizion i pe osi raproch anou oubien éloign de Jéova. Si nou fé bann bon choi, nou sra ereu é Jéova i sra fièr de nou.

1. Koman la Bib i èd anou pran bann bon désizion ?

Avan pran in désizion, demann Jéova gid aou é ansèrv la Bib pou konèt koman Jéova i voi lé choz (lir Provèrb 2:3-6). Nadfoi, ou va trouv in loi bien prési. Dann situasion la, obéi se loi lé le méyeur désizion.

É si la Bib i di pa ou égzakteman sak ou doi fé ? Jéova va kan mèm gid aou « su le chemin ousa ou doi marché » (Izai 48:17). Lé vré, dan la Bib néna bann prinsip ki pe èd aou. In prinsip biblik lé in vérité inportan ki mont sak Bondieu i pans é i resan. Dan la Bib, souvan nou dékouv son fason pansé su tout kalité sujé. É kan nou koné sak li pans, nou pe pran bann désizion ke li aksèp.

2. Su kosa i fo réfléchi avan pran in désizion ?

La Bib i di : « Lom prudan i survèy chakèn son bann pa » (Provèrb 14:15). Donk lé inportan bien réfléchi avan pran in désizion. Furmezur ou réfléchi su tout bann posibilité ke ou néna, poz aou bann késtion la : « Kèl prinsip biblik i aplik dann situasion la ? Si mi pran désizion la, èske mi nora léspri trankil ? Kèl léfé mon désizion nora su lé zot ? É surtou, èske sa va fé plézir Jéova ? » (Detéronom 32:29).

Jéova néna le droi di anou sak lé bien é sak lé mal. Si nou aprann konèt son bann loi é son bann prinsip, é ke nou ve atoupri réspèk sa, nou dévlop in bon konsians. Se konsians la va èd anou voir si sak nou fé lé bien ou lé mal (Romin 2:14, 15). In konsians ke lé abitué fé sak lé bien, va èd anou pran bann bon désizion.

ALON APRANN PLUS

3. Lès la Bib gid aou

VIDÉO : Lès bann prinsip la Bib gid aou (5:54)

• Kosa i lé le lib arbit ?

• Poukosa Jéova la donn bann zumin le lib arbit ?

• Kosa Jéova la donn anou, pou èd anou pran bann bon désizion ?

Lir Éfézien 5:15, 16. Dan bann vèrsé la, nou néna in prinsip la Bib : « Utiliz out tan le méyeur fason posib. » Koman ou pe mèt an pratik prinsip la...

• pou lir la Bib tou lé jour ?

• pou pas le tan èk out konjoin, èk out zanfan oubien èk out bann paran ?

• pou asis bann rénion lasanblé ?

4. Éduk out konsians pou pran bann bon désizion

VIDÉO : « Gard in konsians klèr » (5:13)

• Kosa Emma la fé pou éduk son konsians é pou pran in désizion ke Jéova i aksèp ?

Poukosa i fo pa demann lé zot pran bann désizion a nout plas ? Lir Ébreu 5:14 é koz su bann késtion la :

• Mèm si lé plu sinp demann lé zot kosa zot noré fé dan nout situasion, kosa nou doi èt kapab konprann par nou mèm ?

• Kèl zouti pou fé rechèrch i pe èd anou éduk nout konsians pou pran bann bon désizion ?

5. Réspèk la konsians lé zot

Nout tout nou pran pa le mèm désizion. Koman nou mont ke nou réspèk la konsians lé zot ? Alon voir 2 légzanp :

Situasion 1 : In seur i ièm bien mèt son chort pou fé son bann zafèr dan la journé, oubien pou retrouv ali èk son bann kamarad. Son fason abiyé i jèn bann seur dan son nouvo lasanblé.

Lir Romin 15:1 é 1 Korintien 10:23, 24 é koz su bann késtion la :

• Si li lès bann vèrsé la gid ali, kosa petèt le seur va désidé ? Si in jour ou retrouv aou èk in moun, ki trouv ke lé pa bien fé in nafèr ke out konsians i pèrmèt aou fé, kosa ou pouré désid fé ?

Situasion 2 : Mèm si la Bib i intèrdi pa boir lalkol, in frèr la pran le désizion pu boir lalkol. Dan in soiré, li voi dot Témoin boir lalkol.

Lir Éklézias 7:16 é Romin 14:1, 10 é koz su bann késtion la :

• Si li lès bann vèrsé la gid ali, koman li va réaji ? Si in jour ou voi in moun fé in nafèr ke out konsians i intèrdi aou fé, koman ou va réaji ?

Pou pran in bon désizion

1. Demann Jéova gid aou (Jak 1:5).

2. Fé bann rechèrch dan la Bib é dan nout bann publikasion pou konèt kèl prinsip i aplik dan out situasion. Ou pe osi demann konsèy bann krétien ke na léspèryans.

3. Réfléchi su bann konsékans ke out désizion nora su out konsians é su la konsians lé zot.

SAK NOU LA APRANN

Pou pran bann bon désizion, i fo konèt koman Jéova i voi lé choz é réfléchi kèl konsékans sak nou fé nora su lé zot.

Alon révizé

• Koman ou pe pran bann désizion ke va fé plézir Jéova ?

• Koman ou pe éduk out konsians ?

• Koman ou pe mont ke ou réspèk la konsians lé zot ?

GARD SA OSI

Koman pran bann désizion ke va raproch aou koté Bondieu ?

« Prenons des décisions qui honorent Dieu » (La Tour de Garde, 15 avril 2011)

Jéova i konsèy anou in bonpe fason. Lékèl ?

Jéova i gid son peup (9:50)

Sak la èd in jeun pran in désizion difisil.

Jéova i donn anou tout sak lé bon (5:46)

Koman pran bann désizion ki fé plézir Jéova, mèm kan la Bib i donn pa bann zinstruksion prési ?

« Vous faut-il un commandement pour tout ? » (La Tour de Garde, 1^er décembre 2003)