3. Kosa i fo fé pou èt kamarad èk Jéova ?

Jéova i ièm tout domoun, mé « li devien le plu proch kamarad bann domoun ke lé droit » (Provèrb 3:32). Pou èt kamarad èk Bondieu, i fo fé zéfor pou fé sak li konsidèr ke lé bien, é rejèt sak li konsidèr ke lé mové. Désèrtin néna linprésion, ke zot i poura jamé réspèk tout bann lansègnman biblik su le bien é le mal, ke Jéova i donn. Mé Jéova na in gran keur. Li akord son lamitié pou tout sak i ièm ali vréman é ki fé tout zot posib pou fé plézir ali (Psom 147:11 ; Akt 10:34, 35).

Nou ièm kan nout bann kamarad lé onèt. Jéova osi i ve ke son bann kamarad lé onèt. Mé lé pa fasil èt onèt, dan in monn ousa in bonpe d’moun lé malonèt. Kèl lavantaj néna èt onèt dan tout zafèr ?

1. Poukosa surtou nou ve èt onèt ?

Kan nou lé onèt, nou mont Jéova ke nou ièm ali é ke nou réspèk ali. Nou oubli pa ke Jéova i voi tout sak nou pans é tout sak nou fé (Ébreu 4:13). Jéova i remark kan nou fé le choi èt onèt, é sa i rann ali ereu. Son Parol i di : « Jéova i détès in moun malonèt, mé li devien le plu proch kamarad bann domoun ke lé droit » (Provèrb 3:32).

2. Koman èt onèt dan la vi tou lé jour ?

Jéova i demann anou : « Zot i doi di la vérité ansanm inn é lot » (Zakari 8:16, 17). Kosa sa i ve dir ? Kan nou koz èk nout fami, nout bann kolèg, nout bann frèr é seur dan la foi oubien bann zotorité, nou ramas pa manteur é nou donn pa bann fo ransègnman. In moun onèt i vol pa é i arnak pa lé zot (lir Provèrb 24:28 é Éfézien 4:28). É li pèy tout sak li doi Léta (Romin 13:5-7). An rézumé, ‘nou konport anou bien dan tout zafèr’ (Ébreu 13:18).

3. Kèl lavantaj néna kan nou lé onèt ?

Si nou néna la réputasion èt onèt, lé zot va fé anou konfians. Kan nou lé onèt, na in bon lantant dan lasanblé é tout domoun i san azot an sékurité. Nou néna in konsians klèr. Sa i pe osi « anbéli [...] la boté lansègnman nout Soveur, Bondieu », é donn anvi bann domoun ki fé pa parti lasanblé, pratik zot osi le vré kult (Tit 2:10).

ALON APRANN PLUS

4. Èt onèt i fé plézir Jéova

Lir Psom 44:21 é Malaki 3:16 é koz su bann késtion la :

• Dapré ou, poukosa lé pa rézonab kroir ke nou pe kachièt la vérité ?

• Dapré ou, kosa Jéova i resan kan nou désid di la vérité mèm kan lé pa fasil ?

5. I fo èt onèt toultan

VIDÉO : Sak i donn le kontantman : In konsians klèr (2:32)

Lir Ébreu 13:18 é koz su bann fason mont anou onèt...

• avèk nout fami,

• dann travay oubien lékol,

• dan dot situasion ankor.

6. Èt onèt i aport anou bann bienfé

Su le kou, nou na linprésion ke èt onèt i aport problèm. Mé anfin d’kont, sé le méyeur zafèr pou fé. Lir Psom 34:12-16 é koz su késtion la :

• Koman èt onèt i amélior out vi ?

1. In mari é in madam onèt i rann plu for zot koup.

2. In travayeur onèt i gingn la konfians son patron.

3. In sitoiyin onèt na in bon réputasion èk bann zotorité.

SAK NOU LA APRANN

Jéova i ve ke tout son bann kamarad lé onèt, dan tout sak zot i di é dan tout sak zot i fé.

Alon révizé

• Kèl fason nou pe èt onèt ?

• Poukosa lé pa rézonab kroir ke nou pe kachièt la vérité ?

• Poukosa ou ve èt onèt toultan ?

GARD SA OSI

Koman bann paran i pe aprann zot zanfan di la vérité ?

Di la vérité (1:44)

Kèl bénédiksion nou néna, kan nou tienbo nout bann promès ?

Tienbo bann promès i donn bann bénédiksion (9:09)

Bann bon rézon pèy zinpo mèm kan nou éstim ke lé mal utilizé.

« Faut-il payer ses impôts ? » (La Tour de Garde, 1^er septembre 2011)

Sak la pous in mesieu malonèt chanjé, é gingn son vi in fason onèt.

« J’ai découvert la miséricorde et le pardon de Jéhovah » (La Tour de Garde, 1^er mai 2015)

2. Poukosa bien choizi nout bann kamarad lé inportan pou Jéova ?

Jéova i choizi pa ninport ki pou èt son kamarad. « Li devien le plu proch kamarad bann domoun ke lé droit » (Provèrb 3:32). Kosa Jéova va resanti, si nou choizi pou kamarad bann domoun ke i sèrv pa li ? Lé sur, li sra désu (lir Jak 4:4). Mé Jéova i sra kontan si nou rejèt bann mové frékantasion é ke nou kos koté li é sak i ièm ali. Li va choizi anou pou fé parti son bann kamarad ! (Psom 15:1-4).