LESON 32
Le roiyom Bondieu lé an plas !
Le roiyom Bondieu la komans gouvèrné dann sièl depui 1914. Apartir moman la, le dominasion bann zumin lé antrèn viv zot bann dèrnié jour. Koman nou koné sa ? Gras bann profési la Bib é sak i éspas dan le monn depui 1914. Alon voir sa plus an détay.
1. Kosa bann profési la Bib i mont anou ?
Le liv Danièl lavé di ke le roiyom Bondieu noré komans gouvèrné dan la fin in pèryod, ki apèl « sèt tan » (Danièl 4:16, 17). Bann sièk plu tar, Jézu la apèl se mèm pèryod « le tan ke la donn bann nasion », é li la di ke té pa ankor fini (Luk 21:24). Kom nou va voir, lé sèt tan la fini an 1914.
2. Kosa i éspas dan le monn depui 1914 ?
Bann disip Jézu la demann ali : « Kosa i sra le sign de out prézans é le tan la fin se monn la ? » (Matieu 24:3). Jézu la réponn azot é li la di ke kan li sré Roi le roiyom Bondieu dann sièl, va éspas in bonpe zafèr su la tèr, kom bann gèr, bann faminn é bann tranbleman d’tèr (lir Matieu 24:7). La Bib la anonsé osi ke le konportman bann domoun dan « bann dèrnié jour » va rann la vi « difisil pou suporté » (2 Timoté 3:1-5). Sé sak i éspas surtou depui 1914.
3. Poukosa le monn lé mové depui ke le roiyom Bondieu i gouvèrn ?
Jus apré li la ni Roi le Roiyom, Jézu la fé la gèr dann sièl kont Satan é son bann démon. Satan la pèrd. La Bib i di ke « li la été jeté su la tèr, é son bann zanj la été jeté avèk li » (Révélasion 12:9, 10, 12). Satan i koné li sar èt détrui. Donk li lé vréman an kolèr, é li provok in bonpe maleur é la soufrans su tout la tèr. Nou konpran poukosa néna in bonpe mové zafèr dan le monn ! Mé le roiyom Bondieu va détrui tousala.
ALON APRANN PLUS
Alon voir bann preuv ke le Roiyom la komans gouvèrné depui 1914 é poukosa sa i konsèrn anou.
4. Le kalkul ki pèrmèt ariv juska 1914
Néna lontan, Nabukodonozor, le roi Babilonn, la fé in rèv ke Bondieu lavé donn ali. Se rèv profétik la é lésplikasion ke Danièl la doné i mont ke sa i konsèrn an mèm tan Nabukodonozor é le roiyom Bondieua (lir Danièl 4:17).
Lir Danièl 4:20-26 aprésa, utiliz le tablo an d’sou la pou réponn bann késtion ki vien apré :
A) Kosa Nabukodonozor la vu dan son rèv ? (gard bann vèrsé 20 é 21).
B) Kosa i ariv le piédboi ? (gard le vèrsé 23).
C) Kosa i éspas su la fin lé « sèt tan » ? (gard le vèrsé 26).
Le lien ant le piédboi dan le rèv é le roiyom Bondieu
LA PROFÉSI (Danièl 4:20-36)
Règn
A) In gran piédboi
Règn ke la arété
B) « Koup le piédboi […] é ke sèt tan i pas »
Règn ke la rekomansé
C) « Ou va regingn out pouvoir roiyal »
Dan le premié réalizasion profési la…
D) Kisa le piédboi i reprézant ? (gard le vèrsé 22).
E) Koman son règn la été arété ? (lir Danièl 4:29-33).
F) Kosa la ariv Nabukodonozor su la fin lé « sèt tan » ? (lir Danièl 4:34-36).
PREMIÉ RÉALIZASION
Règn
D) Nabukodonozor, roi Babilonn
Règn ke la arété
E) Apré 606 avan nout tan (av. n. t.), Nabukodonozor i pèrd la tèt é li lé pu kapab gouvèrné pandan 7 an
Règn ke la rekomansé
F) Nabukodonozor i retrouv la rézon é li rekomans gouvèrné
Dan le deuzièm réalizasion profési la…
G) Kisa le piédboi i reprézant ? (lir 1 Kronik 29:23).
H) Koman règn la, la été arété ? Koman nou koné ke li lété toujour arété kan Jézu lété su la tèr ? (lir Luk 21:24).
I) Ousa é kansa règn la, la rekomansé ?
DEUZIÈM RÉALIZASION
Règn
G) Bann roi Israèl i reprézant le règn Bondieu
Règn ke la arété
H) Jéruzalèm lé détrui é na pu bann roi Israèl ki dirij pandan 2 520 an
Règn ke la rekomansé
I) Dann sièl, Jézu i devien Roi le roiyom Bondieu
Konbien d’tan lé sèt tan i dur ?
Désèrtin parti dan la Bib i èd anou konprann dot parti. Par égzanp, le liv la Révélasion i di ke 3 tan é demi i égal 1 260 jour (Révélasion 12:6, 14). Sèt tan i fé 2 foi plus, donk i égal 2 520 jour. Nadfoi dan la Bib, in jour i reprézant in lané (Ézékièl 4:6). Lé parèy pou la profési lé sèt tan ke nou trouv dan le liv Danièl : lé sèt tan i reprézant 2 520 an.
5. Le monn la chanjé depui 1914
Jézu la anonsé koman le monn i sré kan li sré Roi. Lir Luk 21:9-11 é koz su késtion la :
Dapré sak i di dan bann vèrsé la, lékèl ou voi réalizé zordi ?
Lapot Pol la éspliké koman domoun i sré dan bann dèrnié jour le dominasion bann zumin. Lir 2 Timoté 3:1-5 é koz su késtion la :
Anparmi bann konportman la, kèl ou la fini vu otour d’ou ?
6. Le dominasion le roiyom Bondieu i pous anou pou aji
Lir Matieu 24:3, 14 é koz su bann késtion la :
Kèl laktivité inportan i mont ke le roiyom Bondieu la komans gouvèrné ?
Koman ou pe partisip se laktivité la ?
Le roiyom Bondieu la komans gouvèrné, é dann pa lontan, li va dirij tout la tèr. Lir Ébreu 10:24, 25 é koz su késtion la :
Kosa nout tout nou doi fé furmezur ke nou ‘voi le jour i aproch’ ?
Si ou aprann in nafèr ki pe èd lé zot é sov zot vi, kosa ou nora anvi d’fé ?
DOMOUN I POURÉ DEMANN AOU : « Poukosa bann Témoin Jéova i parl toultan 1914 ? »
Kosa ou noré réponn ?
SAK NOU LA APRANN
Bann profési la Bib é sak i éspas dan le monn i mont bien ke le roiyom Bondieu lé an plas. Kan nou prèch é ke nou asis rénion, nou mont ke nou lé sur de sa.
Alon révizé
Kosa la éspasé su la fin lé sèt tan ki trouv dan la profési Danièl ?
Poukosa ou lé sur ke le roiyom Bondieu la komans gouvèrné depui 1914 ?
Koman ou pe montré, ke ou kroi ke le Roiyom lé déja an plas ?
GARD SA OSI
Bann zistorien é dot spésialis i rakont sak la chanjé dan le monn depui 1914.
« Depuis quand ce déclin brutal ? » (Réveillez-vous !, avril 2007)
La profési Matieu 24:14 la chanj la vi in mesieu.
« J’aimais le baseball plus que tout au monde ! » (La Tour de Garde no 3 2017)
Koman nou koné ke la profési ke néna dann Danièl chapit 4, i konsèrn le roiyom Bondieu ?
Kosa i mont ke lé « sèt tan » ki trouv dann Danièl chapit 4, la fini an 1914 ?
a Gard lé 2 dèrnié lartik dan le parti « Gard sa osi » dann leson la.