2. Kèl bénédiksion Jéova i akord son bann Témoin ke lé batizé ?

Le batèm va fé rant aou dan le fami Jéova ke lé ereu. Ou va voir lamour Jéova pou ou diféran fason, é ou va kos ankor plus koté li (lir Malaki 3:16-18). Jéova i sra out Papa, é ou va fé parti in gran fami frèr é seur, su tout la tèr, ki ièm Jéova é ki ièm aou (lir Mark 10:29, 30). Kom nou la finn vu, na bann zafèr pou fé avan le batèm. An premié, ou doi aprann konèt Jéova é èm ali, é avoir foi an son Garson. An deuzièm, ou doi of out vi Jéova. Kan ou sra finn fé tousala é ke ou sra batizé, ou sra su le chemin pou la vi pou toultan. La Parol Bondieu i di : « Le batèm [...] i sov azot » (1 Pièr 3:21).

Jézu lavé prévnu anou ke nout fami i sré petèt pa dakor, si nou désid sèrv Jéova. Lir Matieu 10:34-36 é koz su késtion la :

• Kan in moun i désid sèrv Jéova, koman son fami i pouré réaji ?

VIDÉO : Jéova la akeuy anou (5:13)

• Kosa ou va fé, si out fami oubien in kamarad i ésèy anpèch aou sèrv Jéova ?

Lir Psom 27:10 é Mark 10:29, 30. Aprésa, koz su késtion la :

• Koman promès la, i pe èd aou surmont lopozision dan out fami oubien sak in kamarad ?