Dan tout la Bib i parl su le roiyom Bondieu. Gras Roiyom la, Jéova va réaliz le projé ke li lavé, kan li la kré la tèr. Kosa i lé le Roiyom ? Koman nou koné ke li lé an plas zordi ? Kosa li la déja fé ? É kosa li va fé pou lavnir ? Se leson la é lé 2 ki vien apré va réponn bann késtion la.

1. Kosa i lé le roiyom Bondieu, é kisa i lé le Roi se Roiyom la ?

Le Roiyom lé in gouvèrnman ke Jéova la mèt an plas. Jézu Kris lé le roi ki gouvèrn depui dann sièl (Matieu 4:17 ; Jan 18:36). La Bib i di ke Jézu « va rénié […] pou toultan » (Luk 1:32, 33). Li va gouvèrn kom roi su tout bann zumin su la tèr.

2. Kisa i gouvèrn avèk Jézu ?

Jézu lé pa touseul pou gouvèrn le Roiyom. La Bib i di ke « domoun tout tribu, é lang, é peup, é nasion […] i doi èt roi é gouvèrn la tèr » (Révélasion 5:9, 10). Konbien zot i lé ? Depui ke Jézu la vni su la tèr, domoun par milion la vni son bann disip. Mé lé pa tout, i sar gouvèrn èk li dann sièl. Rienk 144 000 va gouvèrn èk Jézu dann sièl (lir Révélasion 14:1-4). Lé zot krétien va viv su la tèr, sou la diréksion le Roiyom (Psom 37:29).

3. Poukosa le roiyom Bondieu lé plu gran bann gouvèrnman umin ?

Mèm si bann dirijan politik i ve fé bon zafèr, zot i gingn pa réaliz tout zot bann projé. I ariv in moman, zot lé ranplasé par dot zom politik, ke i pans pa parèy ke zot. Mé le chèf le roiyom Bondieu i sra jamé ranplasé. Bondieu la mèt an plas « in roiyom ki sra jamé détrui » (Danièl 2:44). An plus ke sa, Jézu va pa fé préférans kan li va gouvèrn tout la tèr. Sé in roi plin lamour, bon é jus, é li va aprann bann zumin fémont bann mèm kalité ke li néna : lamour, la bonté é la justis (lir Izai 11:9).

4. In gouvèrnman puisan, mondial é pou toultan

Jézu Kris na plus pouvoir ke ninport kèl dirijan. Lir Matieu 28:18 é koz su késtion la :

• Kèl diférans néna ant le pouvoir ke Jézu néna é sak bann dirijan umin ?

Souvan bann gouvèrnman i chanj, é chakèn i dirij in seul parti le monn. Mé kosa nou pe di pou le roiyom Bondieu ? Lir Danièl 7:14 é koz su bann késtion la:

• Poukosa lé gayar ke le roiyom Bondieu « va jamé fini » ?

• Poukosa lé gayar ke le roiyom Bondieu va gouvèrn tout la tèr ?

5. I fo chanj gouvèrnman

Poukosa i fo ke le roiyom Bondieu i ranplas tout bann gouvèrnman umin ? Gard le VIDÉO é koz su le késtion ki vien apré.

VIDÉO : Kosa i lé le Roiyom Bondieu ? (inn ti morso) (1:41)

• Poukosa nou pe di ke bann gouvèrnman la pa èd bann domoun ?

Lir Éklézias 8:9 é koz su késtion la :

• Dapré ou, poukosa lé inportan ke le roiyom Bondieu i ranplas bann gouvèrnman umin ?

6. Bann dirijan ki konpran anou

Jézu, le Roi le roiyom Bondieu, la viv su la tèr kom in om. Donk, li pe konprann anou é « resan la pitié pou nout bann féblès » (Ébreu 4:15). Lé 144 000 mesieu èk madam ke Jéova i choizi pou règn èk Jézu, i sort dann « tout tribu, é lang, é peup, é nasion » (Révélasion 5:9).

• Kosa i fé aou, konèt ke Jézu é lé 144 000 i pe konprann nout bann santiman é nout bann problèm ?

7. Bann loi ke lé méyeur

Bann gouvèrnman i mèt bann loi an plas pou le bien bann domoun. Le roiyom Bondieu i mèt osi bann loi an plas pou son bann sitoiyin. Lir 1 Korintien 6:9-11 é koz su bann késtion la :

• Dapré ou, koman le monn i sra kan tout bann zumin va suiv bann loi Bondieua ?

• Èske ou trouv rézonab ke Jéova i demann bann sitoiyin le Roiyom réspèk son bann loi ? Poukosa ?

• Kosa i mont ke sak i suiv pa bann loi Bondieu i gingn chanjé ? (gard le vèrsé 11).

SAK NOU LA APRANN

Le roiyom Bondieu lé in vré gouvèrnman ke lé dann sièl. I tard pa, li va dirij tout la tèr.

Alon révizé

• Kisa i lé bann dirijan le roiyom Bondieu ?

• Poukosa le roiyom Bondieu lé plu gran ke tout bann gouvèrnman umin ?

• Jéova i demann bann sitoiyin le Roiyom réspèk désèrtin loi. Èske ou pe di amoin detroi ?

GARD SA OSI

Èske Jézu la ansénié ke le Roiyom lé dan nout keur ?

« Èske le roiyom Bondieu lé dan zot keur ? » (lartik jw.org)

Kosa bann Témoin Jéova lé pré pou fé pou rès fidèl le roiyom Bondieu ?

Nou la rès fidèl le Roiyom Bondieu (1:43)

Sak la Bib i ansègn su lé 144 000 moun ke Jéova i choizi pou règn avèk Jézu.

« Qui va au ciel ? » (lartik jw.org)

Kosa la konvink in madam ke té sobat kont linjustis, ke rienk Bondieu i pe réglé ?

« J’ai découvert la solution à l’injustice » (Réveillez-vous !, novembre 2011)

Jézu la di ke son bann disip i doi pa fé parti le monn (Jan 15:19). Sa i ve dir pa may dan la politik é dan bann gèr. Lé pa fasil fé sa, parske domoun i kritik é i ri anou. Koman kontinué pa may dan bann zafèr le monn é rès fidèl Jéova ?

1. Koman bann vré krétien i konsidèr bann gouvèrnman ?

Bann Témoin Jéova i réspèk bann gouvèrnman. Kom Jézu la demandé, in krétien i doi « rann bann zafèr Sézar a Sézar », sa i ve dir obéi bann loi le péi, kom pèy zinpo (Mark 12:17). La Bib i ésplik ke bann gouvèrnman néna zot lotorité, seulman parske Jéova i pèrmèt (Romin 13:1). Zot lotorité lé donk limité. Nou kont su Bondieu é su son roiyom dann sièl, pou règ bann problèm dan le monn.

2. Koman in krétien i mont ke li may pa dan bann zafèr le monn ?

Bann Témoin Jéova i may pa dan la politik. Zot i suiv légzanp Jézu. In jour, apré ke zot la vu inn de son bann mirak, domoun té ve fé ali roi, mé Jézu la refuzé (Jan 6:15). Poukosa ? In not kou, li la éspliké : « Mon roiyom lé pa dan se monn la » (Jan 18:36). Zordi, in disip le Kris i mont ke li pran pa parti dan bann zafèr le monn in bonpe fason : Li may pa dan bann gèr (lir Miché 4:3). Li réspèk le drapo é lé zot sinbol le péi, mé li ador pa tousala (1 Jan 5:21). É li pran pa parti pou tèl ou tèl kandida oubien pou in parti politik. Dukou, li mont ke li lé fidèl in seul gouvèrnman : le roiyom Bondieu.

ALON APRANN PLUS

3. Bann vré krétien i may pa dan bann zafèr le monn

Jézu é son bann premié disip, la lès anou in modèl pou suiv. Lir Romin 13:1, 5-7 é 1 Pièr 2:13, 14. Aprésa, gard le VIDÉO é koz su bann késtion ki vien apré.

VIDÉO : Bann vré krétien i may pa dan bann zafèr le monn (parti 1) (4:28)

• Poukosa nou doi réspèk bann gouvèrnman ?

• Koman nou pe mont ke nou réspèk bann zotorité la ?

Kan néna la gèr, detroi péi i di ke zot i pran pa parti pou okin péi, mé an vré, zot i soutien lé 2 parti. Kosa i ve dir vréman, pa pran parti dan bann zafèr le monn ? Lir Jan 17:16. Aprésa, gard le VIDÉO é koz su le késtion ki vien apré.

VIDÉO : Bann vré krétien i may pa dan bann zafèr le monn (parti 2) (3:11)

• Kosa i ve dir pa may dan bann zafèr le monn ?

É si bann zotorité Léta i oblij aou fé in nafèr ke lé kont la loi Bondieu ? Lir Akt 5:28, 29. Aprésa, gard le VIDÉO é koz su bann késtion ki vien apré.

VIDÉO : Bann vré krétien i may pa dan bann zafèr le monn (parti 3) (1:18)

• Si in loi gouvèrnman i sava kont in loi Bondieu, lékèl i fo obéi ?

• Dan kèl ka prési, in krétien va petèt pa obéi bann zotorité ?

4. Pran pa parti an pansé é an aksion

Lir 1 Jan 5:21. Aprésa, gard le VIDÉO é koz su bann késtion ki vien apré.

VIDÉO : Poukosa bann vré krétien la bezoin kouraj—Pou pa may azot èk la politik (2:49)

• Poukosa Ayenge la refuz rant dan in parti politik é partisip bann zaktivité politik, kom salué le drapo ?

• Èske ou pans ke li la pran in bon désizion ?

Dan kèl situasion ankor, i pe èt difisil pa may dan bann zafèr le monn ? Gard le VIDÉO é koz su bann késtion ki vien apré.

VIDÉO : Alon tir bann leson dan la Tour de Gard : Pran pa parti dan in monn divizé (5:16)

• Koman pa pran parti pou in péi, kan néna in rankont sportif ant diféran péi ?

• Koman pa pran parti pou in gouvèrnman, mèm kan son bann désizion i aranj anou ou pa ?

• Koman pa pran parti par rapor sak laktualité é radio i di, oubien par rapor sak domoun nou frékant i di ?

SAK NOU LA APRANN

An pansé, an parol oubien an aksion, in krétien i fé atansion pa may dan bann zafèr le monn.

Alon révizé

• Kèl konportman nou doi avoir anvèr bann gouvèrnman ?

• Poukosa in krétien i may pa dan la politik ?

• Dan kèl situasion i pe èt difisil pa may dan bann zafèr le monn ?

GARD SA OSI

Bann sakrifis in krétien lé paré pou fé, pou pa may dan bann zafèr le monn.

Jéova la jamé désoi anou (3:14)

Koman in fami i pe prépar ali pou detroi situasion konpliké ?

Alon pa pran parti dan bann zévènman publik (4:25)

Le zistoir in mesieu ke té pans ke défann son péi, lété le plu gran loneur ke néna.

« Tout lé posib pou Bondieu » (5:19)

Dann travay, koman pa may èk le monn ?

« Chacun portera sa propre charge » (La Tour de Garde, 15 mars 2006)