Poukosa bann soufrans é le mal i égzis ?

« Poukosa ? » sé in késtion ke in bonpe domoun i poz azot kan in maleur i ariv. Eureuzman la Bib i donn in répons klèr pou késtion la.

1. Koman le mal la komansé ?

Satan la rebèl ali kont Bondieu. Kom li té ve atoupri dominé, li la pous bann premié zumin rebèl azot osi. Pou gingn fé sa, li la manti èk Èv (Jenèz 3:1-5). Li la fé kroir aèl ke Jéova té priv aèl in bon zafèr. Li la prétann ke bann zumin noré été plus ereu, si zot té obéi pa Bondieu. Kan li la di èk Èv ke èl noré pa mor, Satan la ramas manteur le premié foi. Sé pousa la Bib i apèl Satan « in manteur é le papa le mansonj » (Jan 8:44).

2. Kosa Adan é Èv la désid fé ?

Jéova lavé donn in bonpe zafèr Adan é Èv. Li lavé pèrmèt azot manj bann frui tout bann piédboi jardin Lédèn, sof inn (Jenèz 2:15-17). Mé zot la désid dézobéi. Èv ‘la pran in frui é la manjé’. Aprésa, Adan li osi « la manjé » (Jenèz 3:6). Kom Adan é Èv lété parfé, lété normal pou zot fé sak lé bien. Mé kan zot la choizi dézobéi, zot la péché é zot la refuz ke Bondieu i gouvèrn azot. Akoz désizion la, zot la souf in bonpe (Jenèz 3:16-19).

3. Kèl konsékans le désizion ke Adan é Èv la pran néna su nou ?

Parske zot la péché, Adan é Èv la ni inparfé é zot la transmèt linpèrféksion tout zot désandan. Pou Adan, la Bib i di : « Par in seul bonom le péché lé rantré dan le monn é le péché la amèn la mor, é donk la mor la propaj su tout domoun » (Romin 5:12).

Nou souf akoz in bonpe zafèr. Lé petèt parske nou la pran in mové désizion, oubien parske in not moun la pran in mové désizion, oubien ankor parske nou lé o mové landroi o mové moman (lir Éklézias 9:11).

ALON APRANN PLUS

4. Sak lé résponsab nout bann soufrans

In bonpe domoun i kroi ke Bondieu i dirij le monn, mé èske sa lé vré ? Gard le VIDÉO.

VIDÉO : Kisa i dirij le monn ? (1:24)

Lir Jak 1:13 é 1 Jan 5:19 é koz su késtion la :

• Èske Bondieu lé loteur le mal é bann soufrans ?

5. Kosa la arivé depui ke Satan i dominn

VIDÉO : Poukosa Bondieu i pèrmèt bann soufrans ? (inn ti morso) (3:07)

Lir Jenèz 3:1-6 é koz su bann késtion la :

• Kèl mansonj Satan la di ? (gard bann vèrsé 4 é 5).

• Koman Satan la fé kroir ke Jéova té anpèch bann zumin profit in bon zafèr ?

• Dapré Satan, èske bann zumin la bezoin èt dirijé par Jéova pou èt ereu ?

Lir Éklézias 8:9 é koz su késtion la :

• Depui ke bann zumin la vir le do èk Jéova, kosa i éspas dan le monn ?

1. Adan é Èv té parfé é zot té viv dann in paradi. Mé zot la ékout Satan é zot la rebèl azot kont Jéova.

2. Apré zot dézobéisans, le péché, bann soufrans é la mor la propaj partou dan le monn.

3. Jéova va fé disparèt le péché, bann soufrans é la mor. Aprésa, bann zumin va retrouv in vi parfé é zot va reviv dann in paradi.

6. Le keur Jéova i fé mal kan nou souf

Èske Bondieu i fé pa in kont èk nou kan nou souf ? Alon voir sak le roi David é lapot Pièr la ékri. Lir Psom 31:7 é 1 Pièr 5:7 é koz su késtion la :

• Kosa i fé aou, konèt ke Bondieu i remark nout bann soufrans é ke li sousi ali pou nou ?

SAK NOU LA APRANN

Satan le Diab é le premié koup umin lé bann premié résponsab bann maleur ke néna dan le monn. Jéova i fé vréman in kont èk nou, é i tard pa li va fé disparèt nout bann soufrans.

Alon révizé

• Kèl mansonj Satan le Diab la di èk Èv ?

• Kèl konsékans la dézobéisans Adan é Èv néna su nou ?

• Koman nou koné ke le keur Jéova i fé mal kan nou souf ?

GARD SA OSI

Dapré la Bib, kosa i lé le péché ?

« Qu’est-ce que le péché ? » (lartik jw.org)

Plus zinformasion su sak Satan le Diab la mèt an dout dan le jardin Lédèn.

« Pourquoi Dieu permet-il les souffrances ? » (La Tour de Garde, 1^er janvier 2014)

Bann répons ki rékonfort pou in késtion ki fé mal.

« Pourquoi la Shoah a-​t-elle eu lieu ? Pourquoi Dieu n’a-​t-il rien fait ? » (lartik jw.org)

Le zistoir in mesieu ke la aprann, poukosa son vi lété tèlman dur.

Mi san pu moin touseul (5:09)

Nout tout lé prizonié le péchéa, la soufrans é la mor parske le premié koup umin la dézobéi Bondieu. Mé nout situasion lé pa si noir ke sa. Jéova la prévu déliv anou le péché é la mor par son Garson, Jézu. La Bib i ansègn ke, par son mor, Jézu la donn in ranson. In ranson lé in som larjan, ke lé péyé pou déliv in moun. Le pri ke Jézu la péyé, lété la valeur son vi umin parfé (lir Matieu 20:28). Kan li la lès son droi viv pou toultan su la tèr, Jézu la pèrmèt anou retrouv sak Adan é Èv lavé pèrd. Li la osi montré, koman Jéova é li mèm, i ièm anou. Leson la va ranfors nout rekonésans pou sak Jézu la fé pou nou.

1. Kosa la mor Jézu i aport anou depui koméla mèm ?

Kom nou lé pécheur, souvandéfoi nou fé bann zafèr ke Jéova i ièm pa. Mé nou pe kan mèm gard nout lamitié èk Bondieu, si nou regrèt vréman nout bann péché, si nou demann ali pardon par Jézu Kris é si nou fé tout pou pa rekomansé (1 Jan 2:1). La Bib i di : « Kris lé mor in foi pou tout pou bann péché, in jus pou bann zinjus, pou ke i amèn azot juska Bondieu » (1 Pièr 3:18).

2. Kosa la mor Jézu va aport anou pou lavnir ?

Jéova la anvoiy Jézu su la tèr, pou ke li donn son vi parfé é ke « tout sak i mèt la foi an li lé pa détrui mé i gingn la vi pou toultan » (Jan 3:16). Gras le sakrifis Jézu, i tard pa, Jéova va répar tout le mal ke néna akoz la dézobéisans Adan. Sa i ve dir ke, si nou na foi dan le sakrifis Jézu, nou gingn viv pou toultan dann in paradi su la tèr (Izai 65:21-23).

ALON APRANN PLUS

3. La mor Jézu i libèr anou le péché é la mor

VIDÉO : Pou kosa Jézu lé mor ? (parti 1) (2:01)

• Kosa Adan la pèrd akoz son dézobéisans ?

Lir Romin 5:12 é koz su késtion la :

• Kèl konsékans le péché Adan néna su chakèn d’nou ?

Lir Jan 3:16 é koz su késtion la :

• Poukosa Jéova la anvoiy son Garson su la tèr ?

1. Akoz son dézobéisans, nou lé prizonié le péché èk la mor.

2. Gras son lobéisans, nou na léspoir èt libéré linpèrféksion é viv pou toultan.

4. Jézu lé mor pou tout bann zumin

VIDÉO : Pou kosa Jézu lé mor ? (parti 2) (2:00)

• Koman la mor in seul om i pe libèr tout bann zumin ?

Lir 1 Timoté 2:5, 6 é koz su késtion la :

• Adan lété in om parfé. Par son fot, nou lé prizonié le péché èk la mor. Poukosa nou pe di ke Jézu la donn in « ranson », é kosa sa i pèrmèt ?

5. La ranson : in kado ke Jéova i donn aou

Voir la ranson kom in kado ke Jéova i fé anou, i raproch anou de Jéova. Lir Galat 2:20 é koz su késtion la :

• Kosa i mont ke lapot Pol té voi la ranson, kom in kado ke Jéova la donn ali ?

Kan Adan la péché, li té kondané a mor, é tout son bann désandan osi. Mé Jéova la donn la vi son Garson pou pèrmèt anou viv pou toultan.

Pandan ke i lir tout bann vèrsé ki vien apré, majinn sak Jéova la resanti kan li té voi son Garson soufèr. Lir Jan 19:1-7, 16-18 é koz su késtion la :

• Kan ou réfléchi sak Jéova é Jézu la fé pou ou, kosa ou resan ?

SAK NOU LA APRANN

Gras la mor Jézu, Jéova i pe pardonn nout bann péché, é nou néna léspoir viv pou toultan.

Alon révizé

• Poukosa Jézu lé mor ?

• Poukosa la Bib i di ke la vi parfé Jézu lé in « ranson » ?

• Kosa la mor Jézu i pe aport aou ?

GARD SA OSI

Poukosa i pe di, ke la vi parfé Jézu lé in ranson ?

« En quel sens le sacrifice de Jésus est-il “une rançon pour beaucoup” ? » (lartik jw.org)

Èske lé sufizan kroir an Jézu pou èt sové ?

« Koman Jézu i sov anou ? » (lartik jw.org)

Èske Jéova i pardonn bann péché grav ?

« Questions bibliques » (La Tour de Garde, 1^er mai 2013)

Koman le sakrifis le Kris la èd in mesieu transform son tanpéraman ?

« Je ne suis plus esclave de la violence » (lartik jw.org)