-
Koman pran bann bon désizion ?Viv ereu pou toultan ! (Diskusion biblik vivan)
-
-
5. Réspèk la konsians lé zot
Nout tout nou pran pa le mèm désizion. Koman nou mont ke nou réspèk la konsians lé zot ? Alon voir 2 légzanp :
Situasion 1 : In seur i ièm bien mèt son chort pou fé son bann zafèr dan la journé, oubien pou retrouv ali èk son bann kamarad. Son fason abiyé i jèn bann seur dan son nouvo lasanblé.
Lir Romin 15:1 é 1 Korintien 10:23, 24 é koz su bann késtion la :
Si li lès bann vèrsé la gid ali, kosa petèt le seur va désidé ? Si in jour ou retrouv aou èk in moun, ki trouv ke lé pa bien fé in nafèr ke out konsians i pèrmèt aou fé, kosa ou pouré désid fé ?
Situasion 2 : Mèm si la Bib i intèrdi pa boir lalkol, in frèr la pran le désizion pu boir lalkol. Dan in soiré, li voi dot Témoin boir lalkol.
Lir Éklézias 7:16 é Romin 14:1, 10 é koz su bann késtion la :
Si li lès bann vèrsé la gid ali, koman li va réaji ? Si in jour ou voi in moun fé in nafèr ke out konsians i intèrdi aou fé, koman ou va réaji ?
Pou pran in bon désizion
1. Demann Jéova gid aou (Jak 1:5).
2. Fé bann rechèrch dan la Bib é dan nout bann publikasion pou konèt kèl prinsip i aplik dan out situasion. Ou pe osi demann konsèy bann krétien ke na léspèryans.
3. Réfléchi su bann konsékans ke out désizion nora su out konsians é su la konsians lé zot.
-
-
In fami ereu (parti 1)Viv ereu pou toultan ! (Diskusion biblik vivan)
-
-
6. Surmont bann problèm dan le koup
Okin maryaj lé parfé. Donk in mari é son madam i doi travay ansanm pou règ zot problèm. Gard le VIDÉO, é koz su bann késtion ki vien apré.
Kosa i mont ke le mari é le madam té éloign azot inn é lot ?
Kosa zot la fé pou rann plu for zot koup ?
Lir 1 Korintien 10:24 é Kolosien 3:13. Aprésa, koz su késtion la :
Kèl léfé mèt an pratik konsèy la, nora su in koup ?
La Bib i demann anou onor anou inn é lot. Onor in moun, sé par égzanp fémont ali réspé é jantiyès. Lir Romin 12:10 é koz su bann késtion la :
Èske in mari oubien in madam i atann ke sé lot i onor ali an premié ? Poukosa ?
-
-
Nout bann linj é nout laparansViv ereu pou toultan ! (Diskusion biblik vivan)
-
-
Nout tout néna bann gou diféran kan i fo abiyé é koifé. Nou pe choizi sak nou sar mèt, é an mèm tan fé plézir Jéova si nou suiv bann prinsip la Bib sinp. Alon voir detroi bann prinsip la.
1. Kèl prinsip i devré gid anou pou choizi nout linj ?
Nou doi choizi « in linj réspéktab, in fason modès é avèk bon sans », é gard in laparans prop ki mont ke nou lé « ataché èk Bondieu » (1 Timoté 2:9, 10). Alon voir bann prinsip ke néna dan bann vèrsé la : 1) Nout linj i doi èt « réspéktab ». Kom ou la vu, anparmi le peup Jéova néna in bonpe gou diféran, mé nout linj é nout koifur i onor le Bondieu ke nou ador. 2) La « modésti » i retien anou abiy in fason provokan oubien ki atir latansion desu nou. 3) Le « bon sans » va èd anou pa tro suiv la mod é son bann chanjman. 4) Nout laparans i devré toultan montré ke nou lé « ataché èk Bondieu », sétadir ke nou ador le vré Bondieu (1 Korintien 10:31).
2. Kèl léfé nout laparans néna su nout bann frèr é seur ?
Nou lé lib choizi sak nou sar mèt, mé nou doi majiné kèl léfé nout laparans nora su lé zot. Nou fé atansion pou pa chok pèrsonn é nou fé « sak i fé plézir [nout] prochin pou son bien, pou fé grandi ali » (lir Romin 15:1, 2).
3. Koman nout laparans i pe donn anvi dot moun pratik le vré ladorasion ?
Nou doi fé atansion èt bien abiyé toultan, mé i fo nou fé ankor plus atansion kan nou asis rénion oubien kan nou prèch. Nout linj i doi pa atir latansion plus ke nout mésaj. Nou ve ke li rann la vérité atiran é ke li ‘anbéli la boté lansègnman Bondieu’ (Tit 2:10).
ALON APRANN PLUS
Alon voir sak nou pe fé pou ke nout linj é nout laparans i fémont ke nou lé krétien.
Nout laparans i pe mont si nou réspèk bann moun ke néna in lotorité. Mèm si Jéova i voi dan nout keur, nout laparans i devré montré ke nou réspèk ali.
4. In joli laparans i onor Jéova
Kosa i pous anou fé atansion nout laparans ? Lir Psom 47:2 é koz su bann késtion la :
Nou reprézant Jéova. Kèl léfé sa i doi avoir su le fason nou abiy anou ?
Dapré ou, poukosa lé inportan fé atansion nout laparans kan nou asis rénion é kan nou prèch ? Akoz ou di sa ?
5. Bann prinsip pou fé bann bon choi
Kinport le pri nout linj, sak i kont sé ke nout linj lé prop é adapté pou sak nou sar fé. Lir 1 Korintien 10:24 é 1 Timoté 2:9, 10. Aprésa koz su bann rézon ki pous anou rejèt bann linj ke lé...
tro dékontrakté oubien kas kasé.
moulan, klèr oubien provokan.
La Loi mozaik i konsèrn pa bann krétien, mé li mont sak Jéova i pans. Lir Detéronom 22:5 é koz su késtion la :
Poukosa nou doi rejèt bann linj é bann koifur ki fé pas bann mesieu pou bann madam oubien bann madam pou bann mesieu ?
Lir 1 Korintien 10:32, 33 é 1 Jan 2:15, 16 é koz su bann késtion la :
Poukosa nou doi fé atansion ke nout laparans i chok pa nout bann voizin oubien bann frèr é seur lasanblé ?
Koman domoun i abiy ousa ou abit ?
Dapré ou, èske detroi fason abiyé la, lé bon pou in krétien ? Poukosa ?
I égzis in bonpe fason abiyé ki fé plézir Jéova.
NADFOI DOMOUN I DI : « Mi na le droi abiy kom mi ve. »
Kosa ou pans de sa ?
SAK NOU LA APRANN
Kan nou fé atansion èt bien aranjé, nou onor Jéova é nou mont ke nou réspèk lé zot.
Alon révizé
Poukosa nout linj é nout laparans lé inportan pou Jéova ?
Sit detroi prinsip ki devré èd anou fé bann bon choi par rapor nout laparans.
Kèl léfé nout laparans i pe avoir su le fason lé zot i konsidèr le vré ladorasion ?
GARD SA OSI
Kosa nout linj i révèl su nou ?
Poukosa i fo bien réfléchi avan fé tatoué anou ?
Dot prinsip ki èd anou pran bann bon désizion.
« Ton habillement honore-t-il Dieu ? » (La Tour de Garde, septembre 2016)
Le zistoir in madam ke la fini par aksépté ke lé zot i fé bann choi diféran.
« Je croyais que la coquetterie était condamnable » (Réveillez-vous !, 22 décembre 2003)
-