Pa tout domoun i voi lalkol le mèm fason. Na in pe i ièm boir in vèr tanzantan èk kamarad. Dot i choizi pa boir dutou. Dot ankor i boi juskatank zot lé sou. Kosa la Bib i di su lalkol ?

1. Èske lé mal boi lalkol ?

La Bib i défann pa boir. O kontrèr, li di ke anparmi tout bann kado ke Bondieu la fé bann zumin, néna « le vin ki kontant le keur d’lom » (Psom 104:14, 15). Li di mèm ke désèrtin zadorateur Jéova té boi in pe (1 Timoté 5:23).

2. Kèl konsèy la Bib i donn pou sak i désid boir ?

Jéova i ièm pa kan i boi tro é kan i boi sou (Galat 5:21). Son Parol i di : « Trouv pa ou anparmi sak i boi tro de vin » (Provèrb 23:20). Donk, si nou désid boir—mèm kan domoun i voi pa nou —, nou va pa boir juskatank nou konpran pu rien, nou gingn pu kontrol nout bann parol é sak nou fé, oubien i poz problèm nout santé. É si nou ariv pa kontrol anou kan nou boi, vo mieu arèt boir.

3. Koman nou devré konsidèr bann désizion lé zot su lalkol ?

Chakèn i désid boir ou pa. Donk si in moun i désid boir in pe, nou doi réspèk son désizion. Si in moun i désid pa boir, nou doi pa oblij ali (Romin 14:10). É si in moun i voi anou boir é i poz ali in problèm, nou va désid pa boir (lir Romin 14:21). Nou rod « non pa [nout] prop lavantaj, mé sad lot » (lir 1 Korintien 10:23, 24).

ALON APRANN PLUS

4. Désid si ou va boir ou pa

Koman Jézu té konsidèr lalkol ? Pou konèt, alon koz su le premié mirak ke li la fé. Lir Jan 2:1-11 é koz su bann késtion la :

• Kosa mirak la i aprann anou su le fason Jézu i konsidèr lalkol é sak i boi ?

• Kom Jézu i intèrdi pa boir, koman in krétien i konsidèr in moun ki désid boir ?

Donk la Bib i anpèch pa in krétien boi lalkol. Mé dann detroi situasion i sra plu rézonab pa boir. Lir Provèrb 22:3 é koz su le fason mèt an pratik prinsip la, dan bann situasion an d’sou la :

• Ou sar kondui oubien utiliz in machinn.

• Ou lé ansint.

• In médsin i di aou pa boir.

• Ou gingn pa kontrol la kantité ke ou boi.

• La loi i anpèch aou boi lalkol.

• Ou lé èk in moun ke la désid pa boir, parske li lavé problèm lalkol avan.

Èske ou devré sèrv lalkol pou in fèt, par égzanp pou in maryaj ? Avan réponn késtion la, gard le VIDÉO.

VIDÉO : Èske mi devré sèrv lalkol ? (2:41)

Lir Romin 13:13 é 1 Korintien 10:31, 32. Aprésa, koz su késtion la :

• Koman prinsip la, i pe èd aou pran in désizion ke va fé plézir Jéova ?

5. Mèt aou in limit

Si ou désid boir, rapèl aou ke, mèm si Jéova i anpèch pa boir, li kondann kan i boi tro. Poukosa ? Lir Ozé 4:11, 18 é koz su késtion la :

• Kosa i pe ariv in moun ki boi tro ?

Koman évit boi tro ? I fo èt modès é rekonèt son bann limit. Lir Provèrb 11:2 é koz su késtion la :

• Poukosa lé bien mèt in limit su la kantité lalkol ke nou pèrmèt anou boi ?

6. Koman sobat kont lanvi boir toultan lalkol

VIDÉO : « Moin té fatigé èk mon fason d’viv » (6:32)

• Kèl léfé lalkol lavé su Dmitry ?

• Èske li la gingn arèt boi d’in kou ?

• Kosa la èd ali arèt abuz lalkol in foi pou tout ?

Lir 1 Korintien 6:10, 11 é koz su bann késtion la :

• Kèl konsékans grav abuz lalkol i pe avoir ?

• Kosa i mont ke in moun ki abuz lalkol i pe chanjé ?

Lir Matieu 5:30 é koz su késtion la :

• « Koup la min » i lès antann ki fo fé bann sakrifis pou fé plézir Jéova. Kosa ou pe fé si ou sobat kont in problèm lalkola ?

Lir 1 Korintien 15:33 é koz su késtion la :

• Kèl linfluans out bann kamarad i pe avoir su la kantité ou boi lalkol ?

SAK NOU LA APRANN

Jéova la prévu ke lalkol i aport anou la joi, mé li kondann kan i boi tro é kan i gingn pu san pasé.

Alon révizé

• Kosa la Bib i di su lalkol ?

• Kèl danjé néna boir tro ?

• Koman nou doi konsidèr bann désizion lé zot su lalkol ?

GARD SA OSI

Koman in jeun i pe fé bann bon choi par rapor lalkol ?

Boir ou pa : kinport sak i ariv, majinn bann déga ! (2:31)

Bann zidé pratik ki pe èd in moun sobat kont son bann problèm lalkol.

« Quelle place l’alcool a-t-il dans votre vie ? » (La Tour de Garde, 1^er janvier 2010)

Èske in krétien i pe trinké ?

« Questions des lecteurs » (La Tour de Garde, 15 février 2007)

Sak la èd in lalkolik sobat kont son lanvi boir toultan (son zistoir « J’étais une barrique sans fond »).

« La Bible transforme des vies » (La Tour de Garde, 1^er mai 2012)

Nout tout néna bann gou diféran kan i fo abiyé é koifé. Nou pe choizi sak nou sar mèt, é an mèm tan fé plézir Jéova si nou suiv bann prinsip la Bib sinp. Alon voir detroi bann prinsip la.

1. Kèl prinsip i devré gid anou pou choizi nout linj ?

Nou doi choizi « in linj réspéktab, in fason modès é avèk bon sans », é gard in laparans prop ki mont ke nou lé « ataché èk Bondieu » (1 Timoté 2:9, 10). Alon voir bann prinsip ke néna dan bann vèrsé la : 1) Nout linj i doi èt « réspéktab ». Kom ou la vu, anparmi le peup Jéova néna in bonpe gou diféran, mé nout linj é nout koifur i onor le Bondieu ke nou ador. 2) La « modésti » i retien anou abiy in fason provokan oubien ki atir latansion desu nou. 3) Le « bon sans » va èd anou pa tro suiv la mod é son bann chanjman. 4) Nout laparans i devré toultan montré ke nou lé « ataché èk Bondieu », sétadir ke nou ador le vré Bondieu (1 Korintien 10:31).

2. Kèl léfé nout laparans néna su nout bann frèr é seur ?

Nou lé lib choizi sak nou sar mèt, mé nou doi majiné kèl léfé nout laparans nora su lé zot. Nou fé atansion pou pa chok pèrsonn é nou fé « sak i fé plézir [nout] prochin pou son bien, pou fé grandi ali » (lir Romin 15:1, 2).

3. Koman nout laparans i pe donn anvi dot moun pratik le vré ladorasion ?

Nou doi fé atansion èt bien abiyé toultan, mé i fo nou fé ankor plus atansion kan nou asis rénion oubien kan nou prèch. Nout linj i doi pa atir latansion plus ke nout mésaj. Nou ve ke li rann la vérité atiran é ke li ‘anbéli la boté lansègnman Bondieu’ (Tit 2:10).

ALON APRANN PLUS

4. In joli laparans i onor Jéova

Kosa i pous anou fé atansion nout laparans ? Lir Psom 47:2 é koz su bann késtion la :

• Nou reprézant Jéova. Kèl léfé sa i doi avoir su le fason nou abiy anou ?

• Dapré ou, poukosa lé inportan fé atansion nout laparans kan nou asis rénion é kan nou prèch ? Akoz ou di sa ?

5. Bann prinsip pou fé bann bon choi

Gard le VIDÉO.

VIDÉO : « Fé tout pou la gloir Bondieu » (10:18)

Kinport le pri nout linj, sak i kont sé ke nout linj lé prop é adapté pou sak nou sar fé. Lir 1 Korintien 10:24 é 1 Timoté 2:9, 10. Aprésa koz su bann rézon ki pous anou rejèt bann linj ke lé...

• tro dékontrakté oubien kas kasé.

• moulan, klèr oubien provokan.

La Loi mozaik i konsèrn pa bann krétien, mé li mont sak Jéova i pans. Lir Detéronom 22:5 é koz su késtion la :

• Poukosa nou doi rejèt bann linj é bann koifur ki fé pas bann mesieu pou bann madam oubien bann madam pou bann mesieu ?

Lir 1 Korintien 10:32, 33 é 1 Jan 2:15, 16 é koz su bann késtion la :

• Poukosa nou doi fé atansion ke nout laparans i chok pa nout bann voizin oubien bann frèr é seur lasanblé ?

• Koman domoun i abiy ousa ou abit ?

• Dapré ou, èske detroi fason abiyé la, lé bon pou in krétien ? Poukosa ?

SAK NOU LA APRANN

Kan nou fé atansion èt bien aranjé, nou onor Jéova é nou mont ke nou réspèk lé zot.

Alon révizé

• Poukosa nout linj é nout laparans lé inportan pou Jéova ?

• Sit detroi prinsip ki devré èd anou fé bann bon choi par rapor nout laparans.

• Kèl léfé nout laparans i pe avoir su le fason lé zot i konsidèr le vré ladorasion ?

GARD SA OSI

Kosa nout linj i révèl su nou ?

« Que révèle ma façon de m’habiller ? » (lartik jw.org)

Poukosa i fo bien réfléchi avan fé tatoué anou ?

« Kosa la Bib i di su tatouaj ? » (lartik jw.org)

Dot prinsip ki èd anou pran bann bon désizion.

« Ton habillement honore-​t-il Dieu ? » (La Tour de Garde, septembre 2016)

Le zistoir in madam ke la fini par aksépté ke lé zot i fé bann choi diféran.

« Je croyais que la coquetterie était condamnable » (Réveillez-vous !, 22 décembre 2003)