Jéova lé in Bondieu ordoné (1 Korintien 14:33). Donk, lé lojik ke son bann zadorateur lé organizé. Koman lasanblé lé organizé ? É kosa chakèn i doi fé pou ke tout i éspas bien dan lasanblé ?

1. Kisa i lé le chèf lasanblé ?

« Kris lé le chèf lasanblé » (Éfézien 5:23). Depui le sièl, li dirij bann zaktivité bann zadorateur Jéova su tout la tèr. Jézu la mèt an plas « lésklav fidèl é saj », inn ti group zansien ke na léspèryans. I apèl azot osi « Kolèj santral » (lir Matieu 24:45-47). Kom bann zapot é bann zansien Jéruzalèm dann tan 1^é sièk, le Kolèj santral i donn bann zinstruksion tout bann lasanblé su la tèr (Akt 15:2). Mé sa i ve pa dir ke bann zom la, lé bann chèf nout lorganizasion. Zot i lès azot gidé par Jéova é son Parol, é zot i soumèt azot lotorité Jézu.

2. Kisa i lé bann zansien, é kosa banna i fé ?

Bann zansien lé bann krétien ke na léspèryans, zot i ansèrv la Bib pou ansénié, pou édé é ankourajé bann domoun dan lasanblé. Bann zom la, lé pa péyé pou fé sa. Zot i sèrv dan lasanblé « avèk bon keur devan Bondieu ; non parske zot i ièm retir in bénéfis malonèt, mé parske zot la vréman anvi fé sa » (1 Pièr 5:1, 2). Zot lé édé par bann zasistan. Bann zasistan la, i pe osi ni ansien avèk le tan.

Désèrtin zansien lé nomé résponsab sirkonskripsion par le Kolèj santral. Zot i vizit in bonpe lasanblé pou ankouraj banna é pou transmèt azot bann zinstruksion. Dapré sak lé di dan la Bib, zot i nom bann zansien é bann zasistan (1 Timoté 3:1-10, 12 ; Tit 1:5-9).

3. Kèl résponsabilité chak Témoin néna ?

Tout dan lasanblé « i loué le non Jéova » kan zot i partisip dan bann rénion é kan zot i prèch le plu souvan posib (lir Psom 148:12, 13).

ALON APRANN PLUS

4. Jézu lé in chèf ki fé in kont ansanm nou

Jézu i fé anou in gayar linvitasion. Lir Matieu 11:28-30 é koz su késtion la :

• Koman nou san anou kan nou choizi Jézu kom chèf ?

VIDÉO : Népal : bann zansien i èd sak la subi in tranbleman d’tèr (4:56)

La Bib i ésplik bien koman bann zansien i doi asum zot résponsabilité.

Lir Izai 32:2 é 1 Pièr 5:1-3 é koz su bann késtion la :

• Kosa sa i fé aou, konèt ke bann zansien lé la pou rékonfort anou, kom Jézu la fé ?

• Kèl fason bann zansien i imit Jézu ?

5. Bann zansien i mont légzanp

VIDÉO : Zansien, donn légzanp ! (7:39)

Jézu la éspliké koman sak i dirij lasanblé i doi konport azot. Lir Matieu 23:8-12 é koz su késtion la :

• Kan ou konpar sak la Bib i di su bann zansien avèk sak ou voi su bann chèf la relijion an jénéral, kosa i mark aou le plus ?

1. Bann zansien i rès proch koté Jéova, é zot i fé ansort ke zot fami lé proch osi koté Jéova.

2. Bann zansien i fé in kont avèk tout dan lasanblé.

3. Bann zansien i prèch souvan.

4. Bann zansien i fé diskour, mé zot i fé osi ménaj é dot zafèr ankor.

6. Bann zansien la bezoin nou soutien azot

La Bib i ésplik poukosa lé inportan soutien sak bann zansien i désid. Lir Ébreu 13:17 é koz su bann késtion la :

• La Bib i ankouraj anou obéi é soumèt anou sak i dirij anou. Èske ou trouv sa rézonab ? Poukosa ?

Lir Luk 16:10 é koz su késtion la :

• Poukosa lé inportan travay èk bann zansien, mèm dan bann zafèr ke nou pans lé pa inportan ?

SAK NOU LA APRANN

Jézu lé le chèf lasanblé. Bann zansien i soumèt azot son lotorité. É nou travay gran keur èk zot, parske zot i ankouraj anou, é zot i mont anou légzanp.

Alon révizé

• Kisa i lé le chèf lasanblé ?

• Kisa i lé bann zansien, é kosa banna i fé ?

• Kèl résponsabilité chak ladorateur Jéova néna ?

GARD SA OSI

In vidéo i mont ke le Kolèj santral é bann zansien lasanblé, i fé vréman in kont èk zot bann konpanion krétien.

Banna i èd zot bann frèr (4:22)

Sak bann résponsab sirkonskripsion i fé.

La vi in résponsab sirkonskripsion dan in téritoir an deor la vil (4:51)

Sak bann madam i fé dan lasanblé.

« Y a-t-il des femmes ministres chez les Témoins de Jéhovah ? » (La Tour de Garde, 1^er septembre 2012)

Sak bann zansien lé paré pou fé, pou ankouraj zot bann frèr é seur.

« Les anciens, “compagnons de travail pour notre joie” » (La Tour de Garde, 15 janvier 2013)

1. Kèl konsèy la Bib i donn pou le mari ?

Jéova la donn le mari le rol de chèf la fami (lir Éfézien 5:23). Li ve ke in mari i pran bann désizion ke lé bon pou son fami. La Bib i di bann mari : « Kontinué èm zot madam » (Éfézien 5:25). Kosa sa i ve dir ? In bon mari lé janti èk son madam, an privé é an publik. Li protèj son madam é li fé de son mieu pou fé atansion bann bezoin fizik é bann santiman son madam (1 Timoté 5:8). Plus inportan ankor, li èd son madam rès proch koté Jéova (Matieu 4:4). Par égzanp, li pri é li lir la Bib ansanm èl. In mari ki fémont son lamour pou son madam i gard in bon relasion avèk Jéova (lir 1 Pièr 3:7).

Jézu lé le Chèf lasanblé krétien (Éfézien 5:23). Zordi, depui dann sièl, Jézu i dirij son bann disip su la tèr gras « lésklav fidèl é saj » (lir Matieu 24:45). Sé Jézu li mèm la mèt an plas se « lésklav » la ; donk li néna in lotorité, mé li rès lésklav le Kris é li sèrv bann frèr le Kris. Kisa i lé se « lésklav » ? É koman li pran soin d’nou ?