Kosa bann rénion bann Témoin Jéova i pe aport aou ?

Èske ou la finn asis in rénion bann Témoin Jéova ? Si ou la pa ankor, surman ou san aou in pe strésé asis rénion pou in premié foi. Riskab ou demann aou : « Kosa i éspas dan bann rénion la ? Akoz sa lé inportan ? É poukosa mi devré asis bann rénion la ? » Dann leson la, ou va aprann ke rasanm aou èk dot moun, i pe rann plu for out lamitié avèk Bondieu é i pe èd aou dan out vi.

1. Poukosa bann Témoin Jéova i rasanm azot ?

In lékrivin la Bib i di poukosa zot i fé sa : « Dan le gran lasanblé, mi va loué Jéova » (Psom 26:12). Zordi osi, bann Témoin Jéova néna labitud rasanm azot, é zot lé kontan fé sa. Su tout la tèr, zot i rasanm azot chak semèn avèk zot lasanblé lokal, pou ador Bondieu, pou chant bann kantik é pou pri ali. É 2 ou 3 foi dan lané, zot i fé sa dan bann gran rasanbleman.

2. Kosa ou va aprann dan se bann rénion la ?

Dan zot bann rénion, bann Témoin Jéova i ansègn la Bib ; ‘zot i ésplik sa vréman bien é zot i donn le sans de sa’ (lir Néémi 8:8). Si ou vien la sal, ou va aprann plus su Jéova é su son bann kalité. Plus ou va antann koz su lamour ke li néna pou ou, plus ou va kos plu vit koté li. Ou va konèt osi ke li pe èd aou gingn in méyeur vi (Izai 48:17, 18).

3. Kosa nout bann rénion i pe aport aou ?

Jéova i demann anou ‘fé in kont ansanm inn é lot pou pous anou fémont lamour é fé bann bon zaksion, é san larg nout bann rénion’ (Ébreu 10:24, 25). Dan se bann rénion la, ou va trouv domoun ki fé vréman in kont avèk inn é lot, é ki, kom ou, i ve konèt plus su Bondieu. Ou va antann azot kozé, su sak i ankouraj azot dan la Bib (lir Romin 1:11, 12). Ou va fé konésans avèk domoun ke lé vréman ereu, mèm si, kom tout domoun, zot néna problèm. Ala poukosa, Jéova i ve ke nou rasanm anou chak semèn !

ALON APRANN PLUS

4. Bann rénion Témoin Jéova

Dann tan 1^é sièk, bann krétien lavé labitud rasanm azot ansanm, pou ador Jéova (Romin 16:3-5). Lir Kolosien 3:16 é koz su késtion la :

• Koman bann premié krétien té ador Jéova ?

VIDÉO : Kosa i éspas dan in Sal du Roiyom ? (2:12)

• Kosa i éspas dan in sal du Roiyom, ke lé parèy sak ou la lir dann Kolosien 3:16 ?

• Dan le vidéo nou sort voir oubien su le zimaj, èske na in nafèr i donn aou lanvi asis rénion ?

Lir 2 Korintien 9:7 é koz su késtion la :

• Akoz bann rénion Témoin Jéova lé gratuit ?

Alon voir ansanm kosa nou sava aprann dann in prochin rénion.

• Dann in rénion, kèl parti ou préfèr oubien lé util pou ou ?

Ou té koné sa ou ?

Su jw.org, ou pe trouv landroi é leur bann rénion su tout la tèr.

1. Dan nout bann rénion, néna bann diskour, bann démonstrasion é bann vidéo. Bann rénion i komans é i fini par in kantik é in priyèr.

2. Désèrtin moman dan le program, sak i ve, i pe donn in komantèr.

3. Tout domoun lé bienvnu : sak lé an fami, sak lé touseul, bann pèrsonn ajé é bann jeun.

4. Nout bann rénion lé gratuit. Bann Témoin Jéova i fé pa pèy lantré é i fé pa la kèt non plu.

5. Pou asis bann rénion, i fo fé zéfor

Alon gard ansanm légzanp la fami Jézu. Tou lé zan, la fami Jézu té doi march 100 kilomèt dan la montagn pou alé le Tanp, ke lété dann Jéruzalèm. Lir Luk 2:39-42 é koz su bann késtion la :

• Dapré ou, èske lété fasil pou zot alé laba ?

• Kèl zéfor i fodra ou fé pou asis rénion ?

• Èske bann zéfor la, i vo le kou ? Poukosa ou di sa ?

• Poukosa i fo pran labitud asis bann rénion ?

SAK NOU LA APRANN

Alé la sal va pèrmèt aou aprann plus su Jéova, rann out lamitié plu for ansanm li é ador ali avèk dot moun.

Alon révizé

• Akoz Jéova i ankouraj anou rasanm anou ?

• Kosa ou sava aprann dan bann rénion Témoin Jéova ?

• Kèl bienfé ankor ou va ganié, kan ou va asis bann rénion ?

GARD SA OSI

Èske out keur i bat dan out do, kan ou majinn alé la sal ? In mesieu ki, koméla, i ièm asis bann rénion lavé santiman la.

Nou va jamé oubli zot lakeuy (4:16)

In jeun marmay té ièm bann rénion é li la fé bann gro zéfor pou kontinué alé la sal.

Ma la èm bann rénion in bonpe ! (4:33)

Bann domoun i di sak zot i pans su bann rénion.

« Poukosa asis bann rénion dan in sal du Roiyom ? » (lartik jw.org)

Tout la vi in kriminèl la chanjé kan li la asis in rénion bann Témoin Jéova.

« Je ne sortais jamais sans mon arme » (La Tour de Garde, 1^er juillet 2014)

5. Le monn la chanjé depui 1914

Gard le VIDÉO.

VIDÉO : Le monn la chanjé depui 1914 (1:10)

Jézu la anonsé koman le monn i sré kan li sré Roi. Lir Luk 21:9-11 é koz su késtion la :

• Dapré sak i di dan bann vèrsé la, lékèl ou voi réalizé zordi ?

Lapot Pol la éspliké koman domoun i sré dan bann dèrnié jour le dominasion bann zumin. Lir 2 Timoté 3:1-5 é koz su késtion la :

• Anparmi bann konportman la, kèl ou la fini vu otour d’ou ?

6. Le dominasion le roiyom Bondieu i pous anou pou aji

Lir Matieu 24:3, 14 é koz su bann késtion la :

• Kèl laktivité inportan i mont ke le roiyom Bondieu la komans gouvèrné ?

• Koman ou pe partisip se laktivité la ?

Le roiyom Bondieu la komans gouvèrné, é dann pa lontan, li va dirij tout la tèr. Lir Ébreu 10:24, 25 é koz su késtion la :

• Kosa nout tout nou doi fé furmezur ke nou ‘voi le jour i aproch’ ?