3. La rekonésans i pous pou aji

Majinn ou lé antrèn noiyé é in moun i sov aou. Èske ou va oubli sak moun la, la fé pou ou ? Ou va rod pluto tout moiyin pou remèrsi ali.

Kan Jéova la donn son Garson an sakrifis, li la sov nout vi. Lir 1 Jan 4:8-10 é koz su bann késtion la :

• Poukosa le sakrifis Jézu lé in kado inkroiyab ?

• Kan ou réfléchi sak Jéova é Jézu la fé pou ou, kosa ou resan ?

Koman nou pe di mèrsi Jéova é Jézu pou la ranson ? Lir 2 Korintien 5:15 é 1 Jan 4:11 ; 5:3. Aprésa, koz su késtion la :

• Koman nou pe fémont nout rekonésans ?

1. Kosa i pous in moun of son vi Bondieu ?

Sé lamour ki pous in moun of son vi Jéova (1 Jan 4:10, 19). La Bib i di : « Ou doi èm Jéova out Bondieu avèk tout out keur, avèk tout out lam, avèk tout out pansé é avèk tout out fors » (Mark 12:30). Nou mont ke nou ièm Bondieu, pa rienk kan nou koz, mé osi par nout bann zaksion. Kom in lamour for i pous in mesieu èk in madam pou maryé, lé parèy, nout lamour pou Jéova i pous anou of ali nout vi é fé batiz anou.