-
Ou pe èt kamarad JéovaViv ereu pou toultan ! (Diskusion biblik vivan)
-
-
5. Sak Jéova i atann de son bann kamarad
Lé normal atann ke out bann kamarad i fé detroi zafèr pou ou.
Kosa ou ièm ke out bann kamarad i fé pou ou ?
Lir 1 Jan 5:3 é koz su késtion la :
Kosa Jéova i atann de son bann kamarad ?
Pou obéi Jéova, i fodra petèt chanj nout fason d’fé, oubien sak lé pa bon dan nout pèrsonalité. Lir Izai 48:17, 18 é koz su késtion la :
Akoz Jéova i demann son bann kamarad fé bann chanjman ?
In kamarad i donn anou bann konsèy pou nout bien é pou protèj anou. Jéova i fé parèy avèk son bann kamarad.
-
-
Le batèm : in lobjéktif ki vo vréman le kou !Viv ereu pou toultan ! (Diskusion biblik vivan)
-
-
Avan ou fé batiz aou, i fo ou aprann konèt Jéova é gingn in foi solid an li (lir Ébreu 11:6). Plus out konésans é out foi va grandi, plus out lamour pou Jéova va grandi osi. Aprésa, ou nora anvi préché é dan out fason d’viv ou va réspèk bann rekomandasion Bondieu (2 Timoté 4:2 ; 1 Jan 5:3). É le plu souvan, in moun ki kondui ali « in fason Jéova i demann pou fé plézir ali vréman » la anvi of son vi Jéova é fé batiz alia (Kolosien 1:9, 10).
-
-
Le batèm : in lobjéktif ki vo vréman le kou !Viv ereu pou toultan ! (Diskusion biblik vivan)
-
-
a In moun ke lété batizé dan in not relijion, i doi refé batiz ali. Poukosa ? Parske le relijion ke li lavé avan i ansègn pa la vérité ke néna dan la Bib (gard Akt 19:1-5 é le leson 13).
-
-
Fémont out rekonésans pou sak Jéova é Jézu la fé pou ouViv ereu pou toultan ! (Diskusion biblik vivan)
-
-
Majinn ou lé antrèn noiyé é in moun i sov aou. Èske ou va oubli sak moun la, la fé pou ou ? Ou va rod pluto tout moiyin pou remèrsi ali.
Kan Jéova la donn son Garson an sakrifis, li la sov nout vi. Lir 1 Jan 4:8-10 é koz su bann késtion la :
Poukosa le sakrifis Jézu lé in kado inkroiyab ?
Kan ou réfléchi sak Jéova é Jézu la fé pou ou, kosa ou resan ?
Koman nou pe di mèrsi Jéova é Jézu pou la ranson ? Lir 2 Korintien 5:15 é 1 Jan 4:11 ; 5:3. Aprésa, koz su késtion la :
Koman nou pe fémont nout rekonésans ?
-
-
Koman nou pe mont ke nou ièm Jéova ?Viv ereu pou toultan ! (Diskusion biblik vivan)
-
-
LESON 34
Koman nou pe mont ke nou ièm Jéova ?
Èske ou néna le santiman èt plu proch koté Bondieu depui ke ou étudié la Bib ? Èske ou ve kontinué rann plu for out lamitié avèk li ? Alor, rapèl aou ke plus Jéova va voir out lamour grandi pou li, plus li va èm aou é plus li va okup de ou. Koman ou pe mont ali ke ou ièm ali ?
1. Koman mont Jéova ke nou ièm ali ?
Nou mont Jéova ke nou ièm ali kan nou fé sak li di (lir 1 Jan 5:3). Jéova i fors pa pèrsonn obéi ali. Li lès chakèn choizi. An vré, pou fé plézir ali, i fo nou « obéi ali èk le keur » (Romin 6:17). Jéova i ve pa ke ou obéi ali jus parske ou san aou oblijé, mé parske ou ièm ali. Bann parti 3 é 4 dann liv la va èd aou mont Jéova ke ou ièm ali, kan ou fé sak li ièm é kan ou rejèt sak li détès.
2. Poukosa i pe èt difisil mont Jéova ke nou ièm ali ?
« Le jus néna in bonpe zépreuv » (Psom 34:19). Nout tout, nou sobat kont nout bann zinpèrféksion. Nou néna osi bann problèm larjan, problèm travay. Nou koné bann zinjustis oubien nou néna dot difikulté ankor. Akoz bann problèm la, i pe èt difisil fé sak Jéova i demann anou. É i pe èt mèm plu fasil dézobéi ali. Mé si malgré tousala, ou obéi Jéova, ou va mont ali ke ou ièm ali plus ke tout. É ou va prouv ke ou lé fidèl. De son koté, Jéova i sra fidèl anvèr ou. Li va jamé abandonn aou (lir Psom 4:3).
ALON APRANN PLUS
Alon voir poukosa nout lobéisans lé inportan pou Jéova é alon koz su sak i pe èd anou rès ali fidèl.
3. In késtion ki konsèrn aou
Le liv Job i aprann anou ke Satan la pa akuz rienk Job, mé osi tout sak i ve sèrv Jéova. Lir Job 1:1, 6 – 2:10 é koz su bann késtion la :
Dapré Satan, poukosa Job té obéi Jéova ? (gard Job 1:9-11).
Kèl lakuzasion Satan la di kont tout bann zumin, aou osi ansanm ? (gard Job 2:4).
Lir Job 27:5b é koz su késtion la :
Koman Job la prouvé ke li té ièm vréman Jéova ?
Job la prouvé ke li té ièm Jéova : li la rès fidèl Jéova.
Nou va prouv ke nou ièm Jéova kan nou rès ali fidèl.
4. Kontant le keur Jéova
Lir Provèrb 27:11 é koz su bann késtion la :
Kosa Jéova i resan kan ou aji èk sajès é ke ou obéi ali ? Poukosa ?
5. Ou pe èt fidèl Jéova
Lamour pou Jéova i pous anou koz de li èk lé zot. La fidélité i pous anou fé sa mèm kan lé pa fasil. Gard le VIDÉO é koz su bann késtion ki vien apré.
Èske défoi ou trouv difisil koz de Jéova avèk lé zot ?
Kosa la èd Grayson surmont son peur ?
Lé plu fasil èt fidèl Jéova, si nou ièm sak li ièm é si nou détès sak li détès. Lir Psom 97:10 é koz su bann késtion la :
Èske ou pe sit detroi zafèr ke Jéova i ièm ? Èske ou pe sit detroi zafèr ke Jéova i détès ?
Koman ou pe aprann èm le bien é détès le mal ?
6. Nou na bann bienfé kan nou obéi Jéova
Obéi Jéova lé toujour le méyeur zafèr ke nou pe fé. Lir Izai 48:17, 18 é koz su bann késtion la :
Èske nou pe èt sur ke Jéova i koné toultan sak i fo vréman pou nou ? Poukosa ?
Depui ke ou étudié la Bib é ke ou aprann konèt le vré Bondieu, Jéova, kèl bienfé ou la ganié ?
NADFOI DOMOUN I DI : « Bondieu i fé pa in kont èk sak mi fé. »
Kèl vèrsé ou pouré utilizé pou mont ke sak nou fé, i pe fé plézir Jéova oubien fé mal son keur ?
SAK NOU LA APRANN
Ou pe mont ke ou ièm Jéova kan ou obéi ali é kan ou rès ali fidèl malgré bann difikulté.
Alon révizé
Kosa légzanp Job la aprann aou ?
Koman ou pe prouv Jéova ke ou ièm ali ?
Kosa va èd aou rès fidèl Jéova ?
GARD SA OSI
Koman mont anou fidèl anvèr Jéova é anvèr lasanblé ?
Bann détay an plus su bann zakuzasion ke Satan la di kont bann zumin.
« L’intégrité de Job » (La Bible : quel est son message ?, partie 6)
Koman bann marmay osi i gingn mont ke zot i ièm Jéova ?
Koman in jeun i pe rès fidèl Bondieu, mèm si i fé présion su li ?
-