Kontinué dévlop out kapasité réfléksion

Pou gard in bon nivo, in sportif i doi toultan fé travay son bann musk. Lé parèy, nou doi fé zéfor toultan pou utiliz é osi dévlop nout kapasité réfléksion (Ébr 5:14). Mèm si i tant anou kopié bann désizion ke lé zot i pran, i fo nou utiliz nout bon sans pou pran nout prop désizion. Poukosa ? Parske chakèn d’ant nou va rann kont pou son bann prop désizion (Rom 14:12).

I fo pa kroir sinpleman, parske nou lé batizé depui lontan, sa i ve dir ke nou va prann toultan bann bon désizion. Pou prann bann désizion saj, nou doi apui anou in bonpe su Jéova, son Parol é son lorganizasion (Joz 1:7, 8 ; Prov 3:5, 6 ; Mat 24:45).

REGARD LE TI FIM « GARD IN KONSIANS KLÈR », APRÉSA RÉPONN BANN KÉSTION LA :

• 

  Kèl désizion Emma té oblijé prann ?

• 

  Poukosa nou doi pa donn nout lopinion pèrsonèl, su in késtion ki touch la konsians ?

• 

  Kèl konsèy saj in koup la donn Emma ?

• 

  Ousa Emma la trouv bann ransègnman util ki touch son situasion ?