In kanpagn an séptanm pou komans bann zétud la Bib

An séptanm, alon fé zéfor pou propoz in létud la Bib dann ti brochur Viv ereu pou toultan !, èk chak moun ke nou va koz avèk. I sra posib fé pionié oksilièr 30 eur. Koman va éspas kanpagn la ?

• Dann premié diskusion : Ansèrv le dèrnié paj le ti brochur pou kap latansion domoun, aprésa ésèy komans in létud la Bib. Oubli pa propoz létud avèk bann domoun ki mont ke zot lé intérésé, par égzanp sak ou té vizit avan. Mèm si juskalèr, zot té ve pa étudié la Bib, bann diskusion biblik vivan dan le nouvo ti brochur va petèt intérès azot. I fodra pa lès le ti brochur pou bann zabsan, ni anvoiy ali par lèt pou sak lé pa intérésé. Le komité pou le sèrvis lasanblé va réfléchi a lavans, koman dann moi la, i pouré mèt dot rénion prédikasion an plas.

• Dot zafèr pou fé : Si out lasanblé i fé prézantoir mobil, alor mèt le ti brochur Viv ereu pou toultan ! su le prézantoir. Si na d’moun lé intérésé, di azot ke avèk ti brochur la, zot i gingn étudié la Bib gratuitman. Komans létud tèrla mèm, oubien pran randévou pou fé sa. Le résponsab prédikasion i pe demann bann proklamateur gabié, pou alé dann kartié komèrsan é bann buro pou propoz bann zétud la Bib. É osi, ézit pa propoz sa out bann kamarad travay, oubien si in lokazion i prézant pou koz la vérité.

Jézu la ordonn anou alé ‘fé bann disip’ é ‘ansègn banna’ (Mat 28:19, 20). Nou éspèr ke se kanpagn va èd anou fé sa, gras le ti brochur Viv ereu pou toultan !