LESON 28
Fémont out rekonésans pou sak Jéova é Jézu la fé pou ou
Kosa nou resan kan in proch kamarad i fé anou in joli kado ? Sa i fé anou tèlman plézir, ke nou ve atoupri di ali mèrsi. Kom nou la vu, Jéova é Jézu la fé anou le plu gayar kado : la ranson. Koman nou pe di azot mèrsi pousa ?
1. Koman nou pe fémont nout rekonésans pou sak Bondieu é Kris la fé pou nou ?
La Bib i promèt ke « tout sak i mèt la foi an [Jézu] » nora la vi pou toultan (Jan 3:16). Mé kosa i ve dir mèt la foi an Jézu ? Sé plus ke kroir an Jézu. Nou fémont nou na la foi par nout bann désizion é sak nou fé (Jak 2:17). Kan nout foi i influans sak nou fé é sak nou di, nout lamitié avèk Jézu é son Papa, Jéova, i devien plu for (lir Jan 14:21).
2. Kèl lévènman spésial i pèrmèt osi fémont nout rekonésans pou sak Jéova é Jézu la fé ?
Le dèrnié soir li la pas avèk son bann disip, Jézu la koz su in not fason fémont la rekonésans pou son sakrifis. Li la mèt an plas in sérémoni ke la Bib i apèl « le Repa le Sénieur », é ki apèl osi « le Mémoryal la mor le Kris » (1 Korintien 11:20). Se sérémoni noré pèrmèt bann zapot Jézu, é apré zot, tout bann vré krétien, rapèl azot ke Jézu la donn son vi pou bann zumin. Dayeur, le soir la, Jézu la di : « Kontinué fé sa an souvnir d’moin » (Luk 22:19). Kan ou asis Mémoryal, ou fémont tout out rekonésans pou le gran lamour ke Jéova é Jézu néna pou nou.
ALON APRANN PLUS
Alon voir dot fason fémont nout rekonésans pou Jéova é Jézu. É alon aprann plus su le Mémoryal.
3. La rekonésans i pous pou aji
Majinn ou lé antrèn noiyé é in moun i sov aou. Èske ou va oubli sak moun la, la fé pou ou ? Ou va rod pluto tout moiyin pou remèrsi ali.
Kan Jéova la donn son Garson an sakrifis, li la sov nout vi. Lir 1 Jan 4:8-10 é koz su bann késtion la :
Poukosa le sakrifis Jézu lé in kado inkroiyab ?
Kan ou réfléchi sak Jéova é Jézu la fé pou ou, kosa ou resan ?
Koman nou pe di mèrsi Jéova é Jézu pou la ranson ? Lir 2 Korintien 5:15 é 1 Jan 4:11 ; 5:3. Aprésa, koz su késtion la :
Koman nou pe fémont nout rekonésans ?
4. Imit Jézu
In not fason fémont nout rekonésans pou la ranson, sé suiv légzanp Jézu. Lir 1 Pièr 2:21 é koz su késtion la :
Kèl fason ou pe suiv fidèlman légzanp Jézu ?
Jézu té ièm la Parol Bondieu, li té prèch le gayar nouvèl, é li té èd domoun.
5. Asis Mémoryal
Pou konèt koman le Repa le Sénieur i éspas, lir Luk 22:14, 19, 20. Aprésa, koz su bann késtion la :
Koman le Repa le Sénieur la éspasé ?
Kosa le pin é le vin i reprézant ? (gard bann vèrsé 19 é 20).
Jézu té ve ke son bann disip i fèt le Repa le Sénieur 1 foi par an, le jour lanivèrsèr son mor. Donk, bann Témoin Jéova i rasanm azot tou lé zan pou souvnir azot la mor le Kris. Se rénion inportan i éspas kom Jézu la fé. Pou konèt plus la d’su, gard le VIDÉO. Aprésa, koz su le késtion ki vien apré.
Koman i éspas le Mémoryal ?
Le pin èk le vin i reprézant in nafèr. Le pin i reprézant le kor parfé Jézu, é le vin i reprézant son san.
SAK NOU LA APRANN
Nou mont nout rekonésans pou sak Jézu la fé, kan nou mèt nout foi an li é kan nou asis Mémoryal.
Alon révizé
Kosa i ve dir mèt la foi an Jézu ?
Aou mèm, kèl fason ou pouré fémont out rekonésans pou sak Jéova é Jézu la fé pou ou ?
Poukosa lé vréman inportan asis Mémoryal ?
GARD SA OSI
Kosa la mor le Kris i pous pou fé ?
Kosa i lé la foi é kosa i ve dir « mèt la foi » an kékchoz ?
« Exerce ta foi dans les promesses de Jéhovah » (La Tour de Garde, octobre 2016)
Kan li la réfléchi su la ranson, in madam la gingn chanj son fason d’voir ali (son zistoir « Je me sens pure et j’aime la vie »).
« La Bible transforme des vies » (La Tour de Garde, 1er août 2011)
Su bann milion d’moun ki vien Mémoryal, na rienk detroi i manj le pin é i boi le vin. Poukosa ?