LESON 03
Èske ou pe kroir sak la Bib i di ?
Dan la Bib, néna in bonpe promès é in bonpe konsèy. Petèt ou ve konèt sak la Bib i ansègn, mèm si ou poz aou bann késtion komsa : « Èske i pe fé konfians in vieu liv komsa ? », « Èske sak la Bib i di i pe èt util pou nou zordi ? » oubien « Èske i pe kroir sak li anons pou lavnir ? » Domoun par milion i pans ke oui. É ou mèm, kosa ou pans ou ? Nou ankouraj aou fé out prop lidé su la Bib.
1. Èske la Bib lé égzak kan li koz su Listoir ?
La Bib i di ke son ‘bann parol la vérité lé égzak’ (Éklézias 12:10). Li rakont bann zistoir ke la vréman éspasé, é bann domoun ke la vréman égzisté (lir Luk 1:3 ; 3:1, 2). In bonpe zistorien é zarkéolog la konfirmé ke sak i trouv dan la Bib lé bien vré, kom bann dat, bann pèrsonaj, bann landroi é bann zévènman.
2. Poukosa nou pe dir ke la Bib lé toujour daktualité ?
Dan bonpe domèn, la Bib lété an avans su son tan. Par égzanp, kan li koz su la sians, li lé égzak. Pourtan, kan la Bib la été ékri, prèske tout sak li lavé di su la sians lété pa aksépté. Sé lontan aprésa, ke la sians la prouvé ke sak la Bib lavé di lété vré. La Bib lé ‘toujour fidèl, koméla mèm é pou toultan’ (Psom 111:8).
3. Poukosa nou pe avoir konfians dan sak la Bib i anons ?
Dan la Bib néna bann profésia ki anons « bann zafèr ke la pa ankor éspasé » (Izai 46:10). An vré, li la anons kantité zévènman ke la mark Listoir, lontan avan ke sa i éspas. Li ésplik osi, dan le plu ti détay sak i éspas dan le monn zordi. Dann leson la, nou va koz desu detroi profési la Bib. Ou sra petèt étoné voir koman tousala lé vré !
ALON APRANN PLUS
Alon voir ansanm koman la sians i akord ansanm la Bib, é alon gard detroi profési la Bib ke lé tro gayar.
4. La sians i akord èk la Bib
Na tré lontan d’sa, in bonpe té i pans ke la tèr té pozé su in nafèr. Gard le VIDÉO.
Alon gard sak la été ékri dann liv Job néna 3 500 zan de sa. Lir Job 26:7 é koz su késtion la :
La Bib i di ke la tèr lé ‘pandiyé dann vid’, akoz sa i étonn anou ?
Sé rienk dan bann zané 1800 ke bann siantifik la bien konpri le sikl de lo. Pourtan, la Bib la parl de sa néna bann milié d’zané. Lir Job 36:27, 28 é koz su bann késtion la :
Poukosa le lésplikasion sinp su le sikl de lo lé remarkab ?
Èske bann vèrsé ke nou vièn lir, i pous aou kroir sak la Bib i di ?
5. La Bib la anons lontan a lavans bann zévènman inportan
Lir Izai 44:27 – 45:2 é koz su késtion la :
Kèl détay la Bib lavé doné 200 zan a lavans, kan li la anons ke Babilonn té sar èt détrui ?
Listoir i prouv ke Sirus, le roi péi la Pèrs, èk son larmé, la atak Babilonn an 539 avan nout tan. Zot la détourn le gran rivièr ke té protèj la vil. Zot la rant dan la vil par bann port ke lavé rès gran ouvèr, é zot la fé sa, san batay. Zordi, plus 2 500 zan apré tousala, Babilonn lé an ruinn. Alon voir sak la Bib lavé anonsé.
Lir Izai 13:19, 20 é koz su késtion la :
Koman profési la, la réalizé ?
Bann ruinn Babilonn an Irak.
6. La Bib la anons a lavans bann zafèr ke nou voi zordi
La Bib i apèl nout lépok « bann dèrnié jour » (2 Timoté 3:1). Gard sak la Bib la anonsé pou lépok la :
Lir Matieu 24:6, 7 é koz su késtion la :
Dapré la Bib, kosa noré éspasé dann tan bann dèrnié jour ?
Lir 2 Timoté 3:1-5 é koz su bann késtion la :
Dapré la Bib, koman domoun i sré dann tan bann dèrnié jour ?
Anparmi tout sak nou vièn lir, kèl kalité d’moun ou voi dan out lantouraj ?
NADFOI DOMOUN I DI : « La Bib, sa sé in liv zistoir sa. »
É ou, kosa i pous aou kroir ankor plus, ke sak la Bib i di lé vré ?
SAK NOU LA APRANN
Listoir, la sians é bann profési i prouv ke ou pe kroir sak la Bib i di.
Alon révizé
Èske la Bib sé in liv zistoir vré oubien manteur ?
La sians lé an akor avèk la Bib. Kosa i prouv sa ?
Dapré ou, èske la Bib i pe di sak i sar éspasé dan lavnir ? Poukosa ou di sa ?
GARD SA OSI
Dapré sak la sians i di, èske néna bann zéreur dan la Bib ?
Kosa sak i éspas i aprann anou su bann dèrnié jour ?
« 6 prophéties qui se réalisent sous vos yeux » (La Tour de Garde, 1er mai 2011)
Koman bann profési biblik su le Dominasion grèk la réalizé.
Bann profési biblik la chanj le fason ke in mesieu té voi la Bib.
« Pour moi, Dieu n’existait pas » (La Tour de Garde no 5 2017)
a In profési lé in mésaj Bondieu, par égzanp lanons in lévènman ke va éspasé dan lavnir.