LESON 39
Le poin d’vu Bondieu su le san
Le san lé vréman inportan. San le san, pèrsonn i gingn pa viv. Bondieu lé nout Kréateur, donk li na le droi di anou koman utiliz le san. Kosa li di su le san ? Èske nou pe manj le san oubien èt transfuzé ? É koman pran bann bon désizion par rapor le san ?
1. Kosa i lé le poin d’vu Jéova su le san ?
Dann tan biblik, Jéova la di son bann zadorateur : « La vi tout kalité la chèr sé son san » (Lévitik 17:14). Pou Jéova le san i reprézant la vi. La vi lé sakré parske sé in kado Bondieu. Donk le san osi lé sakré.
2. Kosa Bondieu i intèrdi fé avèk le san ?
Dann tan avan bann krétien, Jéova la demann son bann zadorateur pa manj le san (lir Jenèz 9:4 é Lévitik 17:10). Li la redonn komannman la bann krétien, kan le Kolèj santral la demann azot « refuz [...] le san » (lir Akt 15:28, 29).
Kosa i ve dir refuz le san ? Si in médsin i demann aou refuz lalkol, ou va pa boir lalkol. Mé èske ou va manj in manjé ke néna lalkol dedan oubien ou va mèt sa dan out vèn ? Non. Lé parèy, kan Bondieu i demann anou refuz le san, sa i ve dir ke nou doi pa boir, nou doi pa manj la viann ke la pa été sénié oubien dot zafèr ke néna le san dedan.
Kosa nou pe di su le fason utiliz le san dann domèn médikal ? Désèrtin trètman lé kont la loi Bondieu. Par égzanp, néna bann transfuzion le san total oubien inn anparmi son bann zéléman inportan : globul rouj, globul blan, plakèt é plasma. Mé dot trètman lé pa kont la loi Bondieu. Par égzanp, bann trètman i utiliz bann fraksion inn anparmi bann zéléman inportan le san. É bann téknik i utiliz le san le moun mèm. Dann bann ka komsa, chakèn i désid sak li va féa (Galat 6:5).
ALON APRANN PLUS
Alon voir koman pran bann désizion kan i fo utiliz le san dann domèn médikal.
3. Pran bann désizion médikal ki fé plézir Jéova
Koman pran bann désizion ki akord avèk sak Bondieu i pans su le san ? Gard le VIDÉO é koz su bann konsèy an d’sou la, ke lé inportan mèt an pratik.
Pri pou gingn la sajès (Jak 1:5).
Rod bann prinsip la Bib ki konsèrn out situasion (Provèrb 13:16).
Ransègn aou su bann trètman ke néna ousa ou viv.
Rekoné kèl trètman ou aksèp pa dutou.
Asur aou pran in désizion ke lé an akor avèk out konsiansb (Akt 24:16).
Rapèl aou ke na poin in moun—pa mèm out konjoin, in ansien oubien sak i fé out létud—i devré di aou kèl désizion ou doi pran pou bann késtion d’konsians (Romin 14:12).
Ékri out bann désizion.
4. Bann Témoin Jéova i rod pou bien soign azot
Nou pe obéi la loi Bondieu su le san é an mèm tan bien soign anou. Gard le VIDÉO.
Lir Tit 3:2 é koz su késtion la :
Poukosa nou doi toultan èt réspéktueu é janti kan nou koz èk bann médsin ?
Nou aksèp pa |
Chak krétien i désid |
|---|---|
A. Plasma |
Fraksion plasma |
B. Globul blan |
Fraksion globul blan |
C. Plakèt |
Fraksion plakèt |
D. Globul rouj |
Fraksion globul rouj |
5. Bann fraksion le san
Dan le san néna 4 zéléman inportan : globul rouj, globul blan, plakèt é plasma. Dan bann zéléman la, néna bann zéléman ankor plu p’ti ki apèl « bann fraksion le sanc ». In pe fraksion lé utilizé pou sobat kont bann maladi oubien fé arèt sénié.
Kan i konsèrn bann fraksion le san, chak krétien i doi pran son prop désizion dapré son konsians ke lé éduké par la Bib. Somanké, in pe va refuz in trètman oubien in téknik ki utiliz inn oubien pluzieur fraksion le san, alor ke dot va aksèp ki utiliz bann fraksion.
Avan pran in désizion su bann fraksion, demann aou :
Koman mi va ésplik in médsin, poukosa mi refuz oubien poukosa mi aksèp, ki utiliz inn oubien pluzieur fraksion le san ?
DOMOUN I POURÉ DEMANN AOU : « Akoz lé pa bon aksèp le san ? »
Kosa ou noré réponn ?
SAK NOU LA APRANN
Jéova i ve pa ke nou utiliz mal le san.
Alon révizé
Poukosa le san lé sakré pou Jéova ?
Koman nou koné ke komannman Bondieu, refuz le san, i konsèrn osi bann transfuzion ?
Kosa va èd aou pran bann bon désizion, kan i utiliz le san dann domèn médikal ?
GARD SA OSI
Sak i devré influans out bann désizion, kan i fo utiliz out san dann domèn médikal.
« Questions des lecteurs » (La Tour de Garde, 15 octobre 2000)
Sak i fo pran an kont pou désid aksèp ou pa bann fraksion le san.
Kosa la amèn in médsin pans ke le poin d’vu Jéova su le san lé rézonab ?
« J’ai accepté le point de vue de Dieu sur le sang » (Réveillez-vous !, 8 décembre 2003)
Koman bann zansien ki fé parti bann komité liézon ospitalié i èd zot bann frèr é seur ?
b Gard le poin 5, « Bann fraksion le san » , é le ti not no 3, « Bann téknik médikal ki utiliz le san ».
c Pou désèrtin médsin, lé 4 zéléman inportan le san lé bann fraksion le san. Donk i fodra somanké, ésplik out médsin out prop désizion pa aksèp bann transfuzion le san total, ni globul rouj, globul blan, plakèt oubien plasma.