Èt pionié

Kan nou fiks anou bann zobjéktif spirituèl, i èd anou bien ansèrv nout fors (1 Kor 9:26). Bann zobjéktif komsala i èd anou utiliz le méyeur fason posib le tan ki rès anou, avan la fin le monn i ariv (Éféz 5:15, 16). Pandan ladorasion an fami, akoz zot i fiks pa zot bann zobjéktif pou lané d’sèrvis ki ariv ? Dan se Kayé Nout vi èk prédikasion, néna bann zartik ki amont bann zobjéktif ke zot i pe réfléchi desu é priyé pousa osi (Jak 1:5).

Par égzanp, si toulmonn i mèt la min ansanm, èske inn dan zot fami i pouré ni pionié pèrmanan ? Si li lé pa sur ariv fé lé zeur, akoz li diskut pa avèk bann pionié ke lé dann in situasion kom li ? (Prov 15:22). Pandan ladorasion an fami, èske lé posib poz detroi késtion in pionié ke la viv sa ? Aprésa, ékri diféran program ke zot pouré suiv. Si avansa ou té pionié, èske out situasion koméla i pèrmèt aou arkomans le sèrvis ?

Èske désèrtin dan la fami i pouré èt pionié oksilièr inn ou detroi moi ? Si banna i pans ke zot na poin asé la fors pou fé sa, petèt zot va arivé, si zot i prèch inn ti pe tou lé jour. Si zot i travay plin tan oubien si zot i sa va lékol, é ke zot na poin tro le tan pou préché an semèn, zot i pouré choizi in moi ousa néna vakans oubien sink ouikèn. Pran in tan an fami pou not su in kalandriyé kansa zot i ve èt pionié oksilièr, é ékri in program (Prov 21:5).

GARD LE VIDÉO FÉMONT KE ZOT LÉ BANN PIONIÉ KE NA KOURAJ, APRÉSA RÉPONN KÉSTION LA :

• Koman témoiniaj seur Aamand i mont ke Jéova i okup èk tandrès sak i pli azot an kat pou èt pionié ?