‘Done in lèd èspirituèl’

Bann zankourajman ké nou partaj ansanm nout bann frèr é sèr na in bonpé la valèr. Mé pou ankouraj anou inn é lot, pas lo tan ansanm lé pa sufizan. Kan nou ranfors la foi inn é lot, la Bib i apèl sa in « lèd èspirituèl » (Rom. 1:11, 12). Koman nou pé fé sa ?

Choizi bien sak ou sa di. Par égzanp, kan nou done bann komantèr, nou fé atansion pa koz tro dési nou. Olèrk sa, alon koz plito su Jéova, su la Bib é su son bann sèrvitèr. Kan nou koz èk nout bann frèr é sèr, alon choizi koz su bann sujé ké va ranfors nout foi.

Ankouraj lé zot par out bann désizion é out fason d’fé. Par égzanp, dot i pé oir k’ou désid rès dann sèrvis, mèm si lé pa fasil pou ou é sa i pé ankouraj azot. Sinon, sak i pé ankouraj azot osi, sé kan i oi aou la sal an somèn mèm si ou na in gro problèm santé, oubien mèm si ou la travay dur tout la journé é k’ou lé fatigé.

Èské sak ou fé é sak ou di i ankouraj out bann frèr é sèr ? É èské ou lès aou ankourajé par sak out bann frèr é sèr i di ou i fé ?