Èské ou rapèl ankor ?
Èské ou rapèl sak ou la lir sèt ané dan La Tour d’Gard ? Alor, ésèy répond bann kèstion i vien apré :
Kosa i pous anou done Jéova la gloir ?
Nou vé done Jéova la gloir parské nou néna in gran rèspé pou li, ké nou èm ali in bonpé é nou vé ké tout domoun i aprann konèt ali (w25.01, paj 3).
Si in moun i blès anou, kosa va èd anou pardone ali pli fasilman ?
Fé pa komsi i fé pa nou rien. Parkont, si nou vé fé fane bann santiman k’i fé mal anou, i fo pa nou lès la kolèr èk la rankune zigil anou (w25.02, paj 15-16).
Akoz lo bon légzanp Mark i pé èd bann jèn frèr ?
Èk gran kèr, Mark la aksèp lo travay ké la done ali. Li la pa larg lo kor, mèm si na in situasion la fé mal ali. Li la rès kamarad avèk Pol é dot frèr gabié (w25.04, paj 27).
Kosa Jézu té vé dir kan li la di dann in priyèr : « Moin la fé konèt banna out non » ? (Jan 17:26).
Son bann disip té koné déja Bondié i apèl. Mé Jézu la fé konèt azot kisa lété dèrièr so non-la, son bann projé, sak li la fé é son bann joli kalité (w25.05, paj 20-21).
Si nou rokoné nout bann limit, kosa i fo nou admèt ?
Nou admèt ké na d’zafèr nou koné pa. Par égzanp, nou koné pa kansa la fin va arivé ni sak Jéova va fé pou nou. Nou koné pa non pli kosa va arivé domin é nou pé pa konpran juska kèl poin Jéova i koné anou (w25.06, paj 15-18).
Koman in diskour oubien in lartik i pé èd anou ?
Nou pé domand anou : « Kèl zidé nout lorganizasion i ansèrv dann diskour-la pou èsplik in vérité ? Èské néna in légzanp ké mi pé utilizé pou èsplik in vérité ? Kisa i pouré èt intérèsé par sujé-la ?’ (w25.07, paj 19).
Kosa ou pé aprann su la fason Bondié la pardone David ?
David la komèt bann péché grav, mé kom li la ropanti ali Jéova la pardone ali (1 Roi 9:4, 5). In foi ké Jéova la pardone nout bann péché, li fé pu in kont avèk é li rovien pu dési (w25.08, paj 17).
Si in létudian néna du mal pou konpran in lamontraj, kosa ou pé fé ?
Mèm si ou la ésèy èsplik out létudian in lamontraj gras la Bib, mé ké li konpran toujour pa, kontinié avansé é arvien dési plitar (w25.09, paj 24).
La Bib i di ké lo péché néna in « pouvoir trompeur » (Ébré 3:13). Kosa sa i vé dir ?
Lo péché i pé pous anou pou fé bann zafèr ké lé mové. Li pé osi mèt lo dout dan nout tèt, kom par égzanp : « Èské Bondié i èm anou vréman ? » (w25.10, paj 16).
Kèl troi zafèr va èd anou rand nout bann priyèr pli méyèr ?
1) Nou pé réfléchi su bann joli kalité ké Jéova néna. 2) Réfléchi su lo situasion ou lé ddan é koz ladsi dan la priyèr, fé sa par égzanp kan ou doi pardone in moun. 3) Alon pran nout tan kan nou pri. Sa va pèrmèt anou rouv nout kèr pli fasilman (w25.10, paj 19-20).
Koman nou pé èd bann frèr é sèr ajé ?
Nou pé téléfone oubien rand inn ti vizit nout bann frèr é sèr ajé. Nou pé osi akonpagn azot zot bann randévou doktèr. Ou sinonsa nou pé prèch diféran manièr èk zot (w25.11, paj 6-7).
Kèl zafèr inportan bann krétien i doi tien kont pou ké lo jour zot mariaj i done lonèr Jéova ?
Fé an sort suiv la loi dan out péi. Fé an sort ké tout i èspas èk rèspé é ké tout domoun i pas in gayar ti moman lo jour out mariaj. Komsa tout domoun va romark bann joli kalité lo fri lèspri. Rès sinp dan zot fason abiyé é rojèt bann tradision ké lé pa an akor èk la Bib. Kan zot lé antrinn organiz zot mariaj, èsplik bien èk tout domoun kosa zot i vé (w25.12, paj 21-24).