1. ПУЧИБЕ
Кој тано о Девел?
„Те џанен о мануша кај само ту, каскоро анав тано Јехова, сиан Најбаро упри цели пхув.“
„Џанен кај о Јехова тано о Девел. Ов керѓа амен хем амен сием лескере.“
„Ме сиум о Јехова. Адава тано мло анав хем никаске нане те дав мли слава, ни мли чест е резбиме ликонге.“
„Секој со викинела е Јеховаскоро анав, ка овел спасимо.“
„Џанѓола пе, секова кхер некој керѓа ле, а окова со керѓа са тано о Девел.“
„Вазден тумаре јакхја упре хем дикхен. Кој створинѓа акала буќа? Окова со водинела е војска таро ѕвезде хем гејнела лен. Секоле јекха викинела ла ко анав. Себепи лескири бари моќ хем сила, нијекх на фалинела.“