2. ПУЧИБЕ
Сар шај те џана повише башо Девел?
„Акава лил е законескоро ма те цидел пе тле мујестар! Хем ту мора те читине хем те размислине леске диве хем рат, те шај те кере са адава со пишинела ки лесте, соске тегани ка ове успешно ко тло друмо хем ка ове мудро.“
„Читинена сине ко гласо таро лил, таро Закони е чачутне Девлескоро, објаснинена ле сине шукар хем поможинена сине е манушенге те хаљовен лескири смисла. Аѓаар поможинѓе е манушенге те хаљовен адава со сине читимо.“
„Среќно тано о мануш со на џала пало о совет е лошнонгоро... него уживинела ко е Јеховаскоро закони, читинела хем размислинела лескере законеске диве хем рат... ко са со керела, ка овел успешно.“
„Тегани о Филип прастандило џи ки кочија хем шунѓа ле сар читинела ко гласо таро пророко о Исаија, хем пучља ле: ’Хаљовеа ли адава со читинеа?‘ А ов одговоринѓа: ’Сар ка хаљовав ако некој на објаснинела манге?‘“
„Иако нашти те дикха е Девле, сепак преку о буќа со створинѓа лен панда таро време кеда керѓа о свето, о мануша шај т дикхен лескере особине, сар сој лескири вечно моќ, а исто аѓаар шај те дикхен кај ов чаче тано Девел. Адалеске, адале манушен со на верујнена ко Девел, нане лен нисаво изговор.“
„Размислин башо акала буќа, посветин тут ленге, те шај тло напредок те дикхен сарине.“
„Те размислина јекх јекхеске те шај те поттикнина амен те сикава мангипе хем те кера шукарипе. Те на мукха амаре состанокија.“
„Ако некаске тумендар фалинела мудрост, понадари да нека родел таро Девел хем ов ка дел ле, соске ов дела дарежливо сариненге хем бизо те родел о грешке.“