Шај ли те пробине барем јекх берш?

Шај ли те пробине те служине сар општо пионери? Ка овел тут бут шуже берекетија! (Из 10:22).

АКО УЉАН ПИОНЕРИ, КА ШАЈ...

• те ове панда пошукар ки служба хем побутер ка уживине ки лате

• те ове попаше е Јеховаја. Кобор побутер кереа лафи е јаверенцар башо Јехова, добором побутер ка размислине башо лескере совршена особине

• те ове задоволно адалеске со чхивеа ко прво тхан о Царство, хем ка осетине кобор тани бари и радост кеда деа нешто башо јавера (Мт 6:33; Де 20:35)

• те ове присутно ко состанок башо пионерија со иси кеда тани и посета таро покраинско надгледнико, ко состанок со икерела пе англедер о покраинско конгрес хем ки Школа башо пионерија

• те почмине хем те водине побутер библиска курсија

• те накхаве побутер време е пхраленцар хем е пхењенцар ки служба, хем аѓаар ка охрабринен тумен јекх јекхеа (Ри 1:11, 12)