Сар те почмина разговорија трактатенцар

Таро јануари 2018 берш, ки насловно страна таро Амаро живото хем служба — листија спремибаске иси предлогија башо разговор. Сием сине поттикниме те кера е манушенцар лафи, а на само те нудина ленге литература. Те шај те прилагодина амаро пристап, ко состанок шај сине те дикха видеоклипија ко кола сине сикавдо сар те почмина разговор само е Библијаја. Дали акава значинела кај на ваљани те користина литература кеда проповединаја таро кхер ко кхер? На! На пример, о трактатија шај те поможинен аменге те почмина те кера лафи е станареа. Кеда користинаја трактати, шај те користина акава пристап:

1. Читин о пучиба хем о одговорија сој денде ки прво страна.

2. Сикав о библиско одговор со аракхљола ко стихо упре ки 2 страна. Ако е станаре иси ле време, читин несаве информацие таро трактати хем керен лафи баши ленде.

3. Нудин о трактати е станареске, хем поттикнин ле те читинел кеда ка овел ле време.

4. Англедер те џа туке, сикав леске о пучибе ки последно страна ко дело „Размислин“, хем договоринен тумен те дикхен заедно о одговор јавер пути.

Палем кеда ка посетине ле, дикхен заедно о одговор хем мукх јавер пучибе башо кова со ка керен лафи јавер пути. Шај те бирине несаво пучибе тари амари интернет-страница или тари публикација која сој денди ки последно страна таро трактати. Кеда ка овел прилика, нудин и брошура Шукар хабери таро Девел! или несави јавер публикација проучибаске.