Сар те користина о предлогија башо разговор

О пхраља бут трудинена пе те шај те спреминен о предлогија башо разговор, хем буте објавителенге поможинѓе акала предлогија ки служба. Сепак, адалеске со о околностија ко свето тане различна, о објавителија ки служба шај те прилагодинен и презентација аѓаар со ка користинен јавер увод или јавер тема со ка привлечинел е манушен ко ленгоро подрачје. Ама џанѓола пе, сарине ваљани те слединен о упатствија кеда иси несави посебно акција. Амари цел тани те исполнина е Исусескири заповед те проповедина о шукар хабери башо Царство (Мт 24:14).

Кеда иси лен приказ ко состанок, о објавителија ваљани те керен лафи баши тема сој тани денди ко предлогија башо разговор ко Амаро живото хем служба — листија спремибаске (на пример башо јули хем август и тема тани е Девлескири намера). Ама, ола шај те користинен јавер пучибе, стихо, пучибе баши посета, или ситуација која со ка одговоринел ко ленгоро подрачје, освен ако ко упатствија пишинела кај на ваљани те менинел пе. Акалеа менинена пе о упатствија со сине денде ко Листија спремибаске таро јуни 2020, ки 8 страна.