БАРВАЛИПА ТАРО Е ДЕВЛЕСКОРО ЛАФИ | 1. МОЈСЕЕВА 15-17
Соске о Јехова менинѓа о анава е Аврамескоро хем е Сарајакоро?
О Јехова дикхела сине ко Аврам сар мануш бизо маане. Ки јекх прилика, кеда вакерѓа леске повише буќа башо пло ветување, о Девел денѓа е Аврамеске хем Сарајаке анава со сине лен пророчко значење.
Спрема о анава со денѓа лен о Девел, о Авраам чаче уло дад буте народонге, а тари Сара авена сине о царија.
Авраам
Дад буте манушенгоро
Сара
Принцеза
Амен нашти те бирина коркори амаре анава кеда бијанѓоваја. Ама, исто сар о Авраам хем и Сара, шај те кера аменге шукар анав англо Јехова. Пуч тут:
Со ваљани те керав те шај о Јехова те дикхел ман сар мануш бизо маане?
Саво анав керава манге англо Јехова?