Сар о ром хем и ромни шај те керен пумаро брако позорало

О Авраам хем и Сара тане шукар пример е брачно партнеренге со мангена пе хем со поштујнена пе (1Мо 12:11-13; 1Пе 3:6). Сепак, ленгоро брако на сине совршено. Лен сине лен бут неволје ко живото. Со шај те сикљовен о ром хем и ромни таро пример е Авраамескоро хем е Саракоро?

Бут тано важно те керен лафи јекх јекхеа. Ако тло брачно партнери вакерела туке нешто нељубезно адалеске сој тано нервиримо, ма вреџин тут него сикав кај хаљовеа ле (1Мо 16:5, 6). Накхен заедно време. Тле лафенцар хем тле постапкенцар уверин тле брачно партнере кај мангеа ле. А највише таро са, трудинен тумен солдуј џене те овел тумен шукар однос е Јеховаја аѓаар со ка проучинен заедно, ка молинен тумен хем ка фалинен ле (Про 4:12). О бахтале бракија анена чест е Јеховаске, кова со керѓа акаја свето врска.

ДИКХ О ВИДЕОКЛИПИ САР ТЕ КЕРЕН ТУМАРО БРАКО ПОЗОРАЛО, А ПАЛО АДАВА ОДГОВОРИН КО АКАЛА ПУЧИБА:

• Ко акава замислимо сценарио, со сикавѓа кај о Шон хем и Кјара цидена пе јекх јекхестар?

• Соске тани важно и искрено комуникација ко брако?

• Сар о пример е Авраамескоро хем е Саракоро поможинѓа е Шонеске хем е Кјараке?

• Со керѓе о Шон хем и Кјара те шај те керен позорало пумаро брако?

• Соске о ром хем и ромни на ваљани те аџикерен ленгоро брако те овел совршено?