Користин о лил Ов бахтало засекогаш те шај те градине вера ко Јехова хем ко Исус

Те шај те угодинел е Девлеске, о интересенти ваљани те овел ле силно вера (Ев 11:6). Амен шај те реса џи ко ленгоро вило аѓаар со ка користина о лил Ов бахтало засекогаш. Ко акава лил иси главна стихија, јасно објаснување, практична пучиба, мотивирачка видеоклипија хем шуже слике. Адалеа со поможинаја е интересентеске те развинел хрситијанска особине хем паше амалипе е Девлеа, амен градинаја квалитетно материјалеа (1Ко 3:12-15).

Несаве манушенге пхаро тано те замислинен те овен амала е Девлеа коле со на дикхена ле. Адалеске ваљани те поможина лен те пенџарен е Јехова хем те овел лен доверба ки лесте.

ДИКХ О КЛИПИ ГРАДИН ВЕРА КО ЈЕХОВА АЃААР СО КА КОРИСТИНЕ О ЛИЛ ОВ БАХТАЛО ЗАСЕКОГАШ, ХЕМ ПАЛО АДАВА ОДГОВОРИН КО АКАЛА ПУЧИБА:

• Котар џанаја кај и пхен спреминѓа пе шукар баши студија?

• Сар користинѓа додатна пучиба те шај те поможинел е интересенткаке те вакерел пле чувствија башо стихија таро Исаија 41:10, 13?

• Сар влијајнѓе о клипи хем о библиска стихија упри интересентка?

Бут мануша на хаљовена и откупнина, или на дикхена ки лате сар поклон таро Девел (Га 2:20). Адалеске мора те поможина ленге те развинен вера ки откупно жртва е Исусескири.

ДИКХ О КЛИПИ ГРАДИН ВЕРА КО ИСУС АЃААР СО КА КОРИСТИНЕ О ЛИЛ ОВ БАХТАЛО ЗАСЕКОГАШ, ХЕМ ПАЛО АДАВА ОДГОВОРИН КО АКАЛА ПУЧИБА:

• Котар џанаја кај о пхрал спреминѓа пе шукар баши студија?

• Сар користинѓа о дело „Истражин“ те шај те поможинел е интересентеске?

• Соске и молитва тани важно е интересентеске?