5-11 АВГУСТ

БАРВАЛИПА ТАРО Е ДЕВЛЕСКОРО ЛАФИ

1. Вакер е следно генерацијаке баши е Јеховаскири сила

(10 мин.)

Кеда сине терно, о Давид дикхља сар о Јехова заштитинела ле (Пс 71:5; w99-MC 1/9 18, пас. 17)

Кеда сине пхуро, о Давид дикхља сар о Јехова поможинела ле (Пс 71:9; g05-MC 8/1 23, пас. 3)

О Давид охрабринела сине е тернен адалеа со вакерела сине пле искуствија (Пс 71:17, 18; w14-MC 15/1 23, пас. 4-5)

И фамилија применинела о дело „Важна буќа баши Фамилијарно рат“ таро состанок со накхља. Ола канинѓе попхуре брачно паре ки Фамилијарно рат хем уживинена џикоте ола сикавена ленге слике хем вакерен искуствија.

ПУЧ ТУТ: „Коле пхрале или пхења таро собрание, со служинела бут време е Јеховаске, мангава те канинав ки Фамилијарно рат хем те пучав лен баши ленгири служба?“

2. Духовна бисерија

(10 мин.)

Пс 72:8 — Сар о ветување со о Јехова денѓа е Авраамеске кова сој пишимо ки 1. Мојсеева 15:18 исполнинѓа пе џикоте владинѓа о цари о Соломон? (it-1-E 768)

Тло одговор
Кола духовна бисерија таро читибе и Библија акале куркеске мангеа те вакере лен?

Тло одговор

3. Читибе и Библија

(4 мин.) Пс 71:1-24 (th лекција 5)

ДЕ ТУТАР СА КИ СЛУЖБА

4. Те почмина разговорија

(3 мин.) ТАРО КХЕР КО КХЕР. Кеда о мануш почминела те акошел пе туја, завршин о разговор ко позитивно начин. (lmd лекција 4: точка 5)

5. Те кера повторна посете

(4 мин.) НЕФОРМАЛНО СВЕДОЧИБЕ. Продолжин о разговор некасаја сој туке фамилија кова со мислинела пе дали те проучинел и Библија. (lmd лекција 8: точка 4)

6. Објаснин тле верувања

(5 мин.) Говор. ijwfq 49-MC — Тема: Соске е Јеховаскере сведокија менинѓе несаве пле верувања? (th лекција 17)

ТЕ ЖИВИНА САР ХРИСТИЈАЊА

7. Предлогија баши Фамилијарно рат

(15 мин.) Дискусија.

И исто фамилија терѓона хем вежбинена о теократска гиља.

И фамилија дикхела емисија таро Broadcasting.

Јекх таро чхаја вежбинела пе дајаја ки фамилијарно рат сар те одговоринел некаске.

И Фамилијарно рат тани важно соске аѓаар о чхаве шај те овен сикавде таро Јехова хем те сикљовен „те размислинен сар лесте“ (Еф 6:4). Иако башо адава ваљани трудо, сепак и Фамилијарно рат шај те овел интересно, посебно џикоте бајрола е чхавенгири желба те џанен повише башо чачипа тари Библија (Јвн 6:27; 1Пе 2:2). Вакер несаве буќа тари рамка „Предлогија баши Фамилијарно рат“ колате со иси предлогија со шај те поможинен е родителенге те керен и Фамилијарно рат те овел интересно хем те сикљол пе латар. Пало адава, пуч акала пучиба:

Кола предлогија мангеа те применине лен?

Тло одговор
Дали аракхљан нешто јавер со шај те овел туке корисно?

Тло одговор

ПРЕДЛОГИЈА БАШИ ФАМИЛИЈАРНО РАТ

БИБЛИЈА:

Ако иси, шунен аудиоснимке тари Библија со ваљани те читинел пе адава курко, или сарине шај те читинен по јекх дело ко гласо. Шај те читинен о извештај ко улоге
О поглавари или о родители шај те спреминел пучиба башо извештај со ваљани те читинел пе адава курко. Секова јекх тари фамилија шај те истражинел башо несаво пучибе хем ки следно фамилијарно рат, англедер о состанок, шај те керен лафи башо адава со аракхле
Пучен пучибе или вакерен несаво проблеми или пхарипе кова со шај те овел тумен хем пало адава роден библиска начелија со ка поможинен тумен таро лил Библиска стихија со поможинена амен ко живото
Глуминен несаво извештај тари Библија
Секова курко керен картичке коленде со ка овел стихија тари Библија, сар на пример стихија таро додаток А ки брошура Манг е манушен — кер ученикија, пало адава сикљовен ки годи адала стихија. Проверинен дали памтинѓен о стихија таро курке со накхле
Проучинен несаво дело таро лил Ов бахтало засекогаш
Вакер секаске тари фамилија те биринел несави статија тари категорија „Одговор башо библиска пучиба“ која со аракхљола ко дело БИБЛИСКА СИКЉОЈБА ки jw.org хем пало адава те вакерен нешто баши лате

СОСТАНОКИЈА:

Спреминен тумен башо несаво дело таро состанок
Спреминен туменге коментарија хем вежбинен лен ко гласо. Пазинен кобор трајнена о коментарија
Вежбинен теократска гиља
Керен лафи хем вежбинен со те вакерен те шај те охрабринен некас англедер или пало состанок
Ако некас иси приказ или читибе и Библија нека вежбинел англи сариненде

СЛУЖБА:

Спреминен тумен службаке таро кхер ко кхер
Спреминен тумен башо тумаре повторна посете
Замислинен несави ситуација колате со шај те сведочинен неформално хем пало адава вежбинен сар шај те почминен разговор ко љубезно начин
Керен лафи башо конкретна целија со ка поможинен туменге те керен повише ки служба ко периоди тари Спомен-свеченост, или кеда сиен ко одмор тари бути или кеда о чхаве тане ко распуст

ПОТРЕБЕ Е ФАМИЛИЈАКЕРЕ:

Вежбинен со шај те керен ки ситуација која со више појавинѓа пе или која со ка појавинел пе, сар на пример, баши неутралност, малтретирибе, те овел пе некасаја ки врска, празникија хем прославе
Глуминен различна ситуацие ко кола со о чхаве ка овен сар о родителија. О чхаве ваљани те истражинен несави тема, а пало адава те поможинен е родителенге те хаљовен адава

ЈАВЕРА ПРЕДЛОГИЈА:

Дикхен нешто таро JW Broadcasting^® хем пало адава керен лафи башо адава
Читинен несави статија или дикхен несаво видеоклипи тари jw.org хем керен лафи башо адава
Дикхен нешто таро категорие „Тинејџерија“ или „Чхаве“ кола со аракхљона ко дело БИБЛИСКА СИКЉОЈБА ки jw.org
Разглединен о белешке таро несаво конгрес
Дикхен и природа хем керен лафи башо адава со шај те сикљовен латар башо Јехова
Понекогаш, канинен некас ки тумари Фамилијарно рат хем пучен ле пучиба
Чхивен туменге духовна целија хем керен лафи сар шај те исполнинен лен
Керен несаво проекти, сар на пример, те керен е Ноескири арка, или те проучинен нешто таро карте хем табеле со аракхљона ки Библија хем ко амаре публикацие

Мукх о ВИДЕОКЛИПИ Сар те керен пошукар и Фамилијарно рат. Пало адава пуч:

Со шај те керел јекх ром те шај лескири ромни те уживинел ки Фамилијарно рат кеда ки фамилија нане чхаве?

Тло одговор

8. Собраниско проучибе и Библија

(30 мин.) bt-MC погл. 13, пас. 17-24