Сар шај те ове среќно ко акала пхаре времија — Со вакерела и Библија?

Ко акала пхаре времија, нане амен контрола упро бут буќа со случинена пе аменге. Ама амари среќа бут пути повише зависинела таро амаро стави, него таро амаре околностија. И Библија вакерела кај иако иси ле проблемија, „окова сој тано радосно, секова диве тано ко хајбе-пијбе“ (Изреки 15:15). Со те кера те шај те ова посреќна? Дикх сар шај о советија тари Библија те поможинен туке.

Икљов ко крајо е секирациенцар

И Библија вакерела: „О секирацие анена пхарипе е манушеске ко вило, а о шукар лафи керела ле радосно“ (Изреки 12:25).

• И Библија шај те поможинел туке кеда сиан претерано секиримо. Те шај те дознајне сар, читин и статија „Што вели Библијата за загриженоста“.

Победин и осаменост

И Библија вакерела: „О чачутно амал сикавела мангипе ко секова време хем пхрал овела ко пхаре диве“ (Изреки 17:17).

• Ки Библија иси советија со ка поможинен туке те овен тут паше амала кола со шај те керен те на осетинен тут осамено. Читин и статија „Победин и осаменост е амалипаја — Сар шај и Библија те поможинел?“.

Бајрар тло мангипе спрема о Девел хем тле пашутне

И Библија вакерела: „Манг е Јехова, тле Девле, са тле вилеа, са тле душаја хем са тле гоѓаја... Манг тле пашутне сар коркори тут“a (Матеј 22:37-39).

• И молитва шај те поможинел аменге те бајрара амаро мангипе спрема о Девел. Те шај те дознајне повише читин и статија „Дали Бог ги слуша нашите молитви?“

• Сикаваја мангипе е јаверенге кеда шунаја е Исусескоро совет кова сој пенџардо сар Златно правило. Те шај те дознајне повише читин и статија „Шта је златно правило?“

Мангеа ли те дознајне нешто повише башо адава сар и Библија шај те поможинел туке те ове среќно ко акала пхаре времија? Пробин о бесплатно интерактивно библиско курси.