Соске те молина амен е Исусеске ко анав?

Со вакерела и Библија:

О Девел ка шунел амаре молитве само ако молинаја амен е Исусеске ко анав. О Исус вакерѓа: „Ме сиум о друмо, о чачипе хем о живото. Никој нашти те авел џи ко Дад, освен преку манде“ (Јован 14:6). Исто аѓаар ов вакерѓа пле апостоленге: „Чаче вакерава туменге, било со те роден таро Дад, ов ка дел тумен ко мло анав“ (Јован 16:23).

Јавера причине соске те молина амен е Исусеске ко анав:

• адалеске со аѓаар сикаваја чест е Исусеске хем лескере Дадеске, о Девел о Јехова (Филипјаните 2:9-11)

• адалеске со аѓаар сикаваја кај сием благодарна башо адава со о Девел бичхалѓа е Исусе те мерел те шај те спасинел амен (Матеј 20:28; Дела 4:12)

• адалеске со адалеа признајнаја е Исусескири улога сар Посреднико машкар о Девел хем о мануша (Евреите 7:25)

• адалеске со аѓаар ценинаја е Исусескири служба сар Првосвештенико кова со шај те поможинел аменге те ова ко мир е Девлеа (Евреите 4:14-16)