ЛЕКЦИЈА 13
Сар и ховавни религија претставинела е Девле ко погрешно начин?
Ако о Девел тано мангипе, соске о религие кола со вакерена кај претставинена ле керена добором бут лошнипе? Адалеске со адала религие тане ховавне. Ола претставинена е Девле ко погрешно начин. Сар керена адава? Сар о Девел осетинела пе башо адава, хем со ка керел?
1. Сар и ховавни религија претставинела е Девле ко погрешно начин пле сикајбаја?
О ховавне религие „менинѓе о чачипе башо Девел ховајбаја“ (Римјаните 1:25). На пример, бут религие на сикавена башо е Девлескоро анав. Ама, и Библија вакерела кај мора те користина е Девлескоро анав (Римјаните 10:13, 14). Кеда случинена пе лошна буќа, несаве верска водачија вакерена кај адава тано е Девлескири волја. Ама, адава тано ховајбе. О Девел никогаш на керела лошнипе. (Читин Јаков 1:13.) Жално тано адава со о ховајба со вакерена лен о ховавне религие цидинѓе е манушен таро Девел.
2. Сар и ховавни религија претставинела е Девле ко погрешно начин пле постапкенцар?
Ко бут религие на постапинела пе е манушенцар сар со мангела о Девел. Адалеске, и Библија вакерела кај е ховавне религијакере „гревија кхединѓе пе џи ко небо“ (Откровение 18:5). Веконцар, о религие мешинѓе пе ки политика, поддржинѓе војне хем керѓе или одобринѓе те овен мударде бут мануша. Несаве верска водачија мангена те овен барвале хем адалеске родена паре таро пумаре верникија. Акава сикавела кај ола ни хари на пенџарена е Девле хем адалеске нане лен право те претставинен ле. (Читин 1. Јованово 4:8.)
3. Сар осетинела пе о Девел башо адава со керела и ховавни религија?
Ако о буќа со керела лен и ховавни религија керена тут хољамо, тегани со мислинеа сар осетинела пе о Јехова? Ов мангела е манушен, ама тано хољамо е верска водаченге кола со претставинена ле ко погрешно начин хем лошно постапинена пумаре верниконцар. О Девел ветинѓа кај и ховавни религија ка овел уништими хем „никогаш више нане те постојнел“ (Откровение 18:21). Панда хари, о Девел ка уништинел са о ховавне религие (Откровение 18:8).
ДОЗНАЈН ПОВИШЕ
Сикљов повише башо адава со о Јехова осетинела баши ховавни религија. Дознајн повише башо адава со керѓа ој. Ама исто аѓаар, дикх соске адава на ваљани те чхинавел тут те пенџаре е Јехова.
4. О Девел на одобринела са о религие
Бут мануша верујнена кај о религие тане сар различна друмија со ингарена џи ко Девел. Ама, дали тано адава чаче аѓаар? Читин Матеј 7:13, 14, а пало адава керен лафи башо акава пучибе:
Со вакерела и Библија башо друмо со ингарела ко живото?
Дикх о ВИДЕОКЛИПИ, а пало адава керен лафи башо акава пучибе:
Дали вакерела и Библија кај иси бут религие кола со прифатинела лен о Девел?
5. О ховавне религие на сикавена е Девлескоро мангипе
О религие ко бут начинија погрешно претставинѓе е Девле. На пример, јекх начин тано адава со мешинѓе пе ко војне. Дикх о ВИДЕОКЛИПИ, а пало адава керен лафи башо акала пучиба:
Со керѓе бут цркве ки Дујто светско војна?
Со мислинеа ту башо адава со керѓе?
Читин Јован 13:34, 35 хем 17:16, а пало адава керен лафи башо акала пучиба:
Со мислинеа, сар осетинела пе о Јехова кеда дикхела кај о религие мешинена пе ко војне?
И ховавни религија тани одговорно башо бут лошна буќа. Ко саве начинија ту дикхљан кај о религие на сикавена е Девлескоро мангипе?
И ховавни религија на сикавела е Девлескоро мангипе
6. О Девел мангела те поможинел е манушенге те икљовен тари ховавни религија
Читин Откровение 18:4,a а пало адава керен лафи башо акава пучибе:
Сар осетинеа тут башо адава со џанеа кај о Девел мангела те поможинел секоле јекхеске кова со сине заведимо тари ховавни религија?
7. Ма чхинав те сикљове башо чачутно Девел
Дали адава со керела и ховавни религија ваљани те влијајнел упро адава сар дикхеа ко Девел? Замислин туке јекхе чхаве кова со на мангела те шунел пле даде, џала песке кхералдан хем керела бут лошна буќа. Е дадеске на свиџинена пе е чхавескере постапке. Соске би овела неправедно те кривина е даде башо адава со керела лескоро бунтовно чхаво?
Дали би овела праведно те кривина е Јехова хем те чхинава те сикљова баши лесте само башо адава со керела и ховавни религија?
НЕСАВЕ ШАЈ ВАКЕРЕНА: „Са о религие тане шукар соске служинена јекхе Девлеске“.
Дали ту да мислинеа аѓаар?
Соске о Девел на прифатинела са о религие иако ола вакерена кај обожавинена е Девле?
СО СИКЛИЛЕМ
Пле сикајбаја хем пле лошна постапкенцар и ховавни религија претставинела е Девле ко погрешно начин. О Девел ка уништинел е ховавне религија.
Сар ка одговорине?
Со мислинеа башо адава со сикавела хем со керела и ховавни религија?
Сар осетинела пе о Јехова башо адава со керела и ховавни религија?
Со ка керел о Девел е ховавне религијаја?
ИСТРАЖИН
Сикљов башо дуј начинија ко кола со бут религие обожавинена е Девле ко погрешно начин.
„Дали са о религие керена амен те ова паше е Девлеа?“ (интернет статија)
Соске о Јехова мангела те служина леске заедно е јаверенцар?
„Дали мора те ова дело тари несави религија?“ (интернет статија)
Јекх свештенико сине разочаримо тари пли религија. Ама, адава на чхинавѓа ле те сикљовел о чачипе башо Девел.
„Зошто еден свештеник ја напуштил својата црква“ (Разбудете се! таро февруари 2015)
Веконцар о религие вакерена ховајба башо Девел кола со керена о мануша те мислинен кај ов на грижинела пе аменге хем кај тано лошно. Сикљов о чачипе башо трин асавке ховајба.
„Лаги што го оцрнуваат Бог“ (Стражарска кула таро 1 ноември 2013)